Олабўжи романдан катта хикоя

мумкин: бунинг номини эшитса, тиззаси қалтирайди... 
“Буйний” сўзи Ултонни сергаклантириб юборган, назарида, кўп 
ножўя ишлар қилгандай эди. 
“Ҳа-да, – деб ўйлади у, – ўшанда... ўзимга келганимда, уларни... 
Эй, нимага унақа бўп қолдим-а? – Ултон ўша пайт диван томонга 
ҳар қалай интилгани, сўнг креслога ўтириб қолганини эслади ва худди 
ўшандагидек улардан жирканиб кетди. – Шунинг учун юз-кўзимни 
яшириб... 
Бироқ мени нима ақлдан оздирдики... 
Ҳеч кутмаганимданми? 
Ахир, “кутиш” мумкин эди-ку? 
Йўқ, мумкинмас эди. 
Аммо нимадир муҳим... 
...чўнг нарсани, умуман... 
кутардинг-у? 
Кутардинг-у... 
кутмасликка қароринг ҳам бор эди. 
Лекин у “нарса”нинг “ўша манзара” эмаслиги ҳам аниқ, чунки 
ундан ҳам чўнгроқ “сир”лар бўлиши керак... 

---

481 
Балки барининг жамул-жами ўша ҳолатда намоён бўлди-ю, сени... 
дастлаб жиркантириб, сўнгра миянгни “иш”дан чиқаргандир? 
Шундай бўлмаганда...” 
Уларни нима қилиш мумкинлигини ўйлаш ҳатто ортиқчадек бир 
ҳолатда ётаркан, Берди дўхтир буюрди: 
– У ёққа қаранг. Бурилинг... Уялманг. Мен бир оғангизман. Ана 
шундай... Эркак табиблардан ҳатто аёллар ҳам уялмайди. Ва аёл 
табиблардан. Сананг, ўнгача... 
Ултон кўзини юмиб санай бошлади-ю, сиқилди: 
– Қандай аҳволдайдим... келганимда? Тўғрисини айтинг, мен 
эслолмайман. 
– Ноз уйқуда эдингиз, азизим. Опчиқиб ётқизганимиздаям 
уйғонмадингиз... Уйқудориям беришган экан. Аминазиндан камида 
икки порсия уришган... Ҳо-зир тугайди. Ахир бу шприцда олтмиш 
грамм гуликўза бор... Кўрдингизми, икки флакон кетди. Сиздан