Олабўжи романдан катта хикоя

қизиқ... 
– Э, қадрдоним, бизнинг психбаниса қайси районнинг 
территориясида? Ҳа, азизим, – ёш болага танбеҳ бергандай деди у. – 
Қўлдош Мўминов эса, айни бир чоғда райздрав начайлиги ҳисобланади. 
Тушундингизми, акаси жонидан? 
– Ҳа, – деди Ултон. – Фақат камроқ суйиб гапиринг... Менга 
ёқмайди. – Сўнг кулумсиради. – Бунинг устига ҳали жиннивойларингиз 
қаторига қўшилганим йўқ... 
– Ў-ў! Шу гаплар ортиқча-да! 
– Хуллас калом... 
– Ўзи нимани сўрамоқчи эдингиз? 
– Баҳор... Демак, сизнинг билганингиз шу? 
– Шу! Тағин оталари ҳақида... 
– Яна битта савол, – деди Ултон. – Шу, район раҳбарлари билан 
унчалик яқин эмасга ўхшайсиз-а? – Гапни атай буриб юборди. – Тўйдаги 
нутқингиздан ҳам сезилди? 
Берди тентак қувнаб кетди. Шифтга қараб оғзининг таноби қочиб 
илжайди. Кейин... 
...ғамгин тортиб кетиб: 
– Лекин уларнинг ҳукми – вожиб, – деди. 
– Демак, – Ултон унга сурилиб ўтирди, – уларнинг айтган гапини 
қиласиз? 
– Шак-шубҳасиз! – у худди қизил байроқ олдида онт ичгандай 
Ултонга киприк қоқмай тикилди. Кейин эса: – Арбоб ёмон! –деди юзида 
жилла ўзгариш булмай. – Ҳар боб билан уради! Кўрганман... 
... Жиннивойларимнинг ўттиз фойизини арбоб урган! – Ниҳоят бу 
ҳолатдан чарчагандай хўрсинди-да, шу бўйи чеҳраси тамом ўзгариб, 

---

490 
ғарибона тус олди. – Улар... хоҳласа, оғажон, мен каби дўхтирниям бир 
тепиб, анавилар сафига қўшиб қўяди. Тўққиз болам бор-а! Ош-нонга зор 
бўлиб ўтади... – Кейин Ултонга эътироз билдираётгандай уқтира кетди: –
Уларнинг гапини Оллоҳ бекор қилмаса, бандаси – бир пул... – Сўнг 
бирдан жилмайди. – Жамият шу принсипга қурилган-да, азизим!