Олабўжи романдан катта хикоя

– Айтинг-чи, Берди ака, нима ишлар қилдим” – сўради у. 
– Ҳеч нарса! – Ултоннинг билагидан қисиб қўйди дўхтир. – 
Абсалютно! 
–У ёқда-чи? 
– Ҳа-а, – у бош ирғаб, сандиқ ёнида ётган қалин дафтарни олиб 
келди. Талай саҳифаларни очди-да, бир варақ қоғоз олди. – Хўш, 
диагноз: эпилепсия... Тутқаноқ дегани. Хўш, “мойиллиги... Илгаритдан 
мойиллиги бор эди. Одамларга қўшилмасди. Ёлғиз яшаган. Милтиқсиз 

---

486 
юрмайди...” – Сўнг Ултонга ялт қараб сўради: – Сиз айиқни яхши 
кўрасизми? 
“Бу гапларни ким ёзган?” деб турган Ултон: 
– Жуда! – деб юборди. – Шуниям ёзганми? Кечирасиз, ким ёзган 
буни? 
Дўхтир яйраб тиржайди. 
– Топинг... Узр, оғажоним, бу сизни синаш эмас! Асло! Мен 
сизнинг мутлақо соғ эканингизга ишонаман. Ўлай агар, мендан ҳам 
соғсиз! 
– Ундай бўлса, нега мени... 
– “Берди”сини айтгунча уриб ўлдирманг... Хўп, олдин саволга 
жавоб беринг. 
– Баҳор-да... – деди Ултон ерга-цементга қараб. – Бошқа киши... – 
Шундай деди-ю, бирдан бошига оғриқ кирди: қандай қилиб у... 
Баҳор... 
Ултонни қанчалар севар эди! 
Йўқ! 
Ҳаммаси-ҳаммаси ёлғон экан! 
Бир-бирларига мос тушганлари ҳам... Қувончли онлар... 
Тоғ сафари... 
вой, уям бу дунёни “эпоха...” дегудек эди-я! Қандай қилиб... 
Шошма! 
Ахир, унинг ўзи айтганди-ю... Кимнидир... Лекин келишгандилар... 
Ултон, ўйлама! 
Ҳали у билангина эмас, Тўқлибой Қўчқоров билан ҳам... 
Энг муҳими: бу ердан... 
бир кунга бўлсаям... 
– Топдингиз, азизим, – ўша тиржайишда (жилла ачиниш йўқ эди!) 
тасдиқлади дўхтир.