Олабўжи романдан катта хикоя

Демократии централизм дегани – нима? Биласиз. Отангизга раҳмат... 
Ҳамма-ҳамма юқорига бўйсунади дегани. Яъни, эркинлик – 
бўйсунишда! Ўҳ, зўр гап айтдим-а! 
Ултоннинг мияси ғовлаб ва... очлик ҳам таъсирини бот ўтказиб, 
яна ўша қоғозга тикилди. 
– Кечирасиз, шунда ёзилган гаплар... мени обқолишга кифоя 
қиладими? 
– Вой, муштиларим-е, – Ултоннинг билагини қисибгина қўйди 
Бердиқул. – Шу қоғоз опкелди-ку сизни? Ҳой, мен сизга айтиб қўяй: бу 
жуда профессионал ёзилган! Лекин хотинингиз... 
– “Хотинингиз” деманг. 
– Уҳ-ҳ. Ўртоқ Кенжабой қизининг имзоси турсаям... менинг 
ақлимча, кўпни кўрган пухталар диктовка қилган. Сизни жуда яхши 
биладиганлар... 
– Уларни сиз ҳам яхши биласиз! – деди Ултон бирдан фикри 
равшан тортиб. 
Бердиқул туйқус каловланиб тамшанди. Ва боз қоғозга тикилди. 
– Ҳим, хўш, мана яна шундай факт бор: “... бошига ўқ теккан. 
Мияси чайқалган эди...” 
– Сволоч! – деб юборди Ултон. – Ҳақиқий аблаҳлик! Ўзи 
питраларни ситиб ташлаган эди-я!.. – Дўхтирнинг табассум билан бош 
ирғаганини кўриб, ўзиниям кулгиси қистади. – Хўш, шунга асосланиб... 
кечирасиз... 
... хуллас калом, менинг бу ерга келишим зарур бўлиб қолган экан! 
Шуни тан оласизми? 

---

491 
Бердиқул унга бақрайиб қараб қолди-да: 
– Минг афсуски, – деди. – Шундай. Шуни билганим учун ҳам бу 
қоғоздан ҳазар қилдим... Кейин, албатта! Бошда ростдай кўринувди. Шу-
да...– Сўнг, Ултондан муҳим бир нарсани сўрамоқчидек лаб 
жуфтлаганди, Ултон: 
– Сизга телефон қилишди-а? – деди. Ва ичида зил кетди: ахир, бу 
айтди-ку кимлигини... 
Берди ютиниб, лабларини ялади.