Олабўжи романдан катта хикоя

шу қабристон бўлса керак... 
– Отахон билсалар керак, – деб луқма ташлади Ўзоқ Тўлаганов. 
– Билиш ҳам гапми! – кўтарилиб деди Ултон ва шиддат билан 
сўради. – Бобо, сўзлаб беринг! 
– Э, булар... – инжиқланди чол. – Булар шаҳидлар-да, улим. 
– Тарихини айтинг. 
– Биласизлар-ку, – деди чол. 
– Бизнинг билганимиз шуки, бу ерда босмачилар ётипти, – деди 
Зокир Ўринов. – Уларнинг кимлиги эса, мана шу болаларга ҳам аён: 
Совет ҳукуматининг ашаддий душманлари! 
– Душманликка душман эди, – деди чол. 
– Хўш, қандай “душман” бўлишган? Билайлик! – зуғум қилди 
Ултон. 
Қария дўпписининг устидан босиб бошини ишқади-да, Етимчўққи 
тарафга қаради. 
– Отахон? 
– Эса, мен борини айтаман... 
– Борини айтинг. 
– Ҳўв, Қўрғондарада тургич эдик. Юз чоғли навкар. Йигирма 
тўртинчи йил. Қиш палласи эди... Додҳо ярадор бўлдилар. Тангриберди 
додҳо. Мана шу куракдан. Табиб йўқ эди. Ўзимиз қам терилиб 
қолганмиз... Бир йигит айтди: “Қўрғонда ўрис табиб бор”, деди. 
Гарнизон начайлигининг хотини экан... Уни опкеладиган бўлдик. Ўзим, 
яна уч йигит жўнадик. Бордик. Қўрғонга кирдик. Паранжи ёпиниб 

---

438 
кирдик. Бир жуҳуд тилмоч бор эди. Шу билан гаплашдик...
– Ажабо, бу соқчилар текширмас экан-да? –деб пичинг қилди 
Зокир Ўринов. 
– Нимага текширмайди. Текширарди, – деди Ўрол бобо. – Лекин, 
мулла Ўзоқ, бизга овқат берган қишлоқлардан аёлларни ҳайдаб 
келишган экан... Биз шуларнинг қаватида кирдик... Қисқаси, 
келинчакни олиб қочдик. Ёш жувон экан. Қўшхонага опкелдик. Додҳо 
жаноблари тил билгич одам эди. Ўрис хотин билан гаплашди. Кейин