Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
97
almashtirib, ko‘rak terishda ham foydalansa bo‘ladi. 
Havokuch yordamida paxta tergich mashina sinab ko‘rildi. 
Havoyutgich moslamada paxta tergich mashina sinovi bo‘ldi. 
— Ko‘rib turibsizki, — dedi katta, — yangi mashinalarni birontasi ham shu kunlarda dalada paxta 
terayotgan mashinalarg‘a tenglasha olmaydi. O‘sha mashinalardan qolmanglar! 
Kattalar davra olib talashib-tortishdi. Go‘yo, kimo‘zar o‘ynadi. 
Bilsam — qirqinchi yillarni o‘rtalarida Rozenblyum degich ixtirochi mashinaga urchuq qo‘yib, 
paxta terishni o‘ylab topibdi. Shundan buyon urchuq bilan paxta terish joriy bo‘libdi. Shundan buyon 
paxtani shu urchuqlar terar ekan. Shu vaqt mobaynida urchuqlardan bir necha marta voz kechmoqchi 
bo‘libdi. Ammo urchuq o‘rnini bosa oladigan texnika topa olmabdi. Yuzdan ziyod... paxta terish 
mashinasi haqida yuzdan znyod dissertatsiya yaratilibdi! To‘qson kishi fan nomzodi bo‘lib, to‘qqiz 
kishi fan doktori bo‘libdi! Ikkita akademik saylanibdi. Ammo mashina hamon o‘sha-o‘sha — qirqinchi 
yillarda Rozenblyum yaratgan mashina emshsh! Yana-tag‘in — bari dissertatsiyalar ayni ana shu 
urchuqlar haqida emish! Kattalar uyalmay-netmay aytib o‘tiribdi: 
— Urchuq eskirib qoldi. 
— Ammo boshqa texnika yo‘q-da. 
— Qo‘yavering, amerikaliklar ham urchuqlar bilan paxta termoqda. 
— To‘g‘ri, ammo ular paxta terish mashinalarini yil sayin takomillashtirib bormoqda. Masalan, 
Amerikaning «Jon Dir» firmasida ishlab chiqilayotgan paxta terish mashinalari keyingi yigirma yil 
mobaynida o‘zining paxtani ko‘p va tez terish xususiyati bilan bizni mashinalardan bir yarim baravar 
o‘zib ketdi. 
— Bizda esa paxta hamon qo‘lda terilmoqda. Paxta tergich mashina yaratgich kattalar nima fikrga 
keldilar? 
— Biz yaratgan mashinalar yomon ishlayotgani uchun eng avvalo nav yaratuvchilar aybdor! — 
dedi bir katta. — Nav yaratuvchilar bizning mashinalarbop paxta navi yaratib bermayaptilar. Yangi 
mashina kerakmi? Demak, yangi paxta navi ham kerak. Yangi paxta navi qanday bo‘lmog‘i kerak? 
Yangi paxta o‘rta bo‘yli, xipchadan kelgan bo‘lmog‘i kerak!