Microsoft Word togaymurod otamdan qolgan dalalar lotin ziyouz com doc

 
41
Chilla kuydi! 
Olam tandir taft-tandir taft bo‘ldi. Sonsiz ajinlarim-da dosh berolmadi. Saraton telpagim-da dosh 
berolmadi. Men lablarim yorilib-lablarim yorilib dalaladim. 
Men burnim qonab-burnim qonab dalaladim. Men kallam qaynab-kallam qaynab dalaladim. 
 
42
G‘o‘zalarim bo‘y-bo‘y o‘sdi. 
G‘o‘za bo‘ylab o‘ssa g‘o‘za bo‘lmaydi — daroz-daroz bo‘lib qoladi. G‘ovlab-g‘ovlab qoladi. 
G‘o‘za yonlab-yonlab o‘ssa g‘o‘za bo‘ladi. G‘o‘za enlab-enlab o‘ssa g‘o‘za bo‘ladi. 
Shu bois, g‘o‘zalarimni chilpir bo‘ldim. 
Bo‘ynimga etak osib oldim. Dala boshidan oraladim. 
Daroz-daroz g‘o‘zalarim uchini barmoqlarim bilan chirt-chirt chimdib oldim. Peshma-pesh etak 
soldim. 
Risolada o‘smish g‘o‘zalarim uchini chilpimadim. 
Insof bilan o‘smish g‘o‘zalarim uchini-da chimdimadim. Mayli, unib-o‘ssin, dedim. 
Enlab-enlab o‘smish g‘o‘zalarimni bilaklarim bilan qo‘zg‘ab-qo‘zg‘ab qo‘ydim. Kaftlarim bilan 
silab-silab qo‘ydim. 
Etagim g‘o‘zauch bilan to‘ldi. 
G‘o‘zauchlar bodroq-bodroq bo‘ldi. G‘o‘zauchlar taom ko‘kat-taom ko‘katday bo‘ldi. 
G‘o‘zauchlar azzancha bodroq bo‘lsin — g‘o‘zauchlarni egatga tashlab bo‘lmaydi. Hasharotlar ana 
shu g‘o‘zauchlarda bolalaydi! 
Masalan, ko‘sakqurt ana shu g‘o‘zauchlarda moyak qo‘yadi. Moyak g‘o‘zauchda bola ochadi. Qurt 
bo‘lib o‘rmalaydi. 
G‘o‘zauchlar muloyim bo‘ladi-da, g‘o‘zauchlar oftobiyor bo‘ladi-da! 
G‘o‘zauchlar azzancha ko‘katsimon bo‘lsin — g‘o‘zauchlarni mol-holga-da berib bo‘lmaydi. 
G‘o‘zauchlar dorixalta bo‘ladi! G‘o‘zaga sepilmish jami dori ana shu g‘o‘zauchlarda jamlanmish 
bo‘ladi! 
Men bari g‘o‘zauchlarni Jarariqqa olib borib ko‘mdim. Tepkilab-tepkilab ko‘mdim. 
 
43

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
93
Bir haftadan so‘g‘in tag‘in bir bor chilpidim. G‘o‘zalarim bo‘ydan qoldi. G‘o‘zalarim endi 
ko‘sakka zo‘r berdi. 
44
O‘n ko‘sakli g‘o‘zam gektaridan yigirma tsentnerdan hosil beradi! 
Yigirma ko‘sakli g‘o‘zam gektaridan qirq tsentnerdan hosil beradi! 
Yigirma besh-o‘ttiz ko‘sakli g‘o‘zam gektaridan qirq besh-ellik tsentnerdan hosil beradi!