Microsoft Word togaymurod otamdan qolgan dalalar lotin ziyouz com doc

 
24 
Momiq-momiq oqliqdan ko‘zlarimni ochdim. 
Tong to‘rkadi. 
Dunyo tagi oqarib-oqarib kela berdi. 
25 
G‘o‘zalarim shonaga o‘tirdi. 
G‘o‘zalarim bitta-bittadan shonaladi. Azonshomda bir shona tugdi. 
Namozshomda bir shona tugdi. 
Shunda, oqtuproq dalam suvsadi. 
Oqtuproq g‘o‘zalarim salqinda tirildi, oftobda so‘lidi. 
Ich-ichimdan qirindi o‘tdi. Dardim ichimda bo‘ldi. Tishim tishimda bo‘ldi. Shona vaqti dala 
suvsasa yomon — haminqadar yomon! 
Suv taralsa — g‘o‘za gurillab-gurillab o‘sadi. G‘o‘za g‘ovlab-g‘ovlab o‘sadi. 
Suv tarab bo‘lmaydi — shonaga o‘tirmish g‘o‘za shonalamay qo‘yadi. G‘o‘za shonadan qoladi. 
Men endi suv tarash tugul dala oralamadim. 
G‘o‘zaga o‘ngir tegsa bo‘ldi — endi tag olmish shona lip etib uchib tushadi. G‘o‘za bir silkinsa 
bo‘ldi — endi uch bermish shona jalb etib uchib tushadi.
Bir tup g‘o‘zadan ikkita shona to‘kilsa — bir gektar daladan ikki yuz kilo hosil kamayadi! 
 
26
Men dalalarimni aylanib-aylanib qaradim. Men shonalarini ko‘zim bilan sanab-sanab qaradim. 
G‘o‘zalarim yetti-sakkiztadan shona tugdi. 
Ana shunda dalalarimga bir suv jildirib-bir suv jildirib oldim. 
Shona vaqti botin suvlab bo‘lmaydi — shonaga ziyon beradi. 
 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
89
27
G‘o‘zalarim shig‘il-shig‘il shonaladi. 
Ana shunda g‘o‘zalarim azotga yerik bo‘ldi! G‘o‘zalarim azotxo‘r bo‘ldi! 
Men bir gektar g‘o‘zamga yigirma besh kilodan azot berdim. 
G‘o‘zalarim tag‘in-da yuz ochdi. G‘o‘zalarim tag‘in-da rang oldi. 
28 
G‘o‘zalarim o‘ttiz-qirqtadan shonaladi. Men tag‘in bir suv jildirib oldim. 
29 
G‘o‘zalarim sakson-to‘qsontadan shonaladi... 
Qani edi — shu shonalar gul bo‘lib ko‘sak tugsa edi! Qani edi — shu ko‘saklar paxta bo‘lib ochilsa 
edi! 
Afsus, g‘o‘za bilonihoya shonani quchay olmaydi, afsus! 
Shonalar o‘z-o‘zidan qurib-qovjiradi. Shonalar o‘z-o‘zidan to‘kilib-chochildi. 
Bir tup g‘o‘zada o‘ttiz-qirqtadan shona qoldi.