Microsoft Word togaymurod otamdan qolgan dalalar lotin ziyouz com doc

 
34
Men bir gektar g‘o‘zamni o‘n besh kilo kaltsiy arsenat bilan changladim. 
Besh kundan keyin efirsulfonatli xlorofos bilan purkadim. 
G‘o‘zalarim sariq-sariq gulladi. 
Gulyon barglarda moyaksimon-moyaksimon o‘rgimchakkana inladi. Gulyon barglarda 
bo‘g‘inoyoq-bo‘g‘inoyoq o‘rgimchakkana makonladi. 
O‘rgimchakkana barglar ketini ingichka-ingichka o‘rgimchakip bilan o‘rab-o‘rab oldi. 
O‘rgimchakkana barglar ketini kulrang-kulrang o‘rgimchakip bilan qoplab-qoplab oldi. 
O‘rgimchakkana gulyon barg yaladi! Barg yalab-barg yalab keta berdi! 
Oqibat—barglar ilma-teshik bo‘ldi. Barglar usti xol-xol qizil bo‘ldi. Bora-bora qora-qora tus oldi. 
Oxiri qovjirab-qovjirab to‘kildi. 
Men barini ko‘rib-bilib turdim. Ammo ne ilojim bo‘ldi? 
O‘rgimchakkana bino bo‘lgunichayin dala dorilab bo‘lmaydi. O‘rgimchakkana bino bo‘lgach-da 
dala dorilab bo‘lmaydi. 
O‘rgimchakkana jami barg besh foizini yeganidan keyin dala dorilanadi. Ana shunda dori samarali 
bo‘ladi. 
O‘rgimchakkana bilan bir vaqtda... qandala bino bo‘ldi. Qo‘ng‘iz bino bo‘ldi. Oltinko‘z bino 
bo‘ldi. 
Qandala... o‘rgimchakkana terib yedi. Qo‘ng‘iz... o‘rgimchakkana bosib yedi. Oltinko‘z... 
o‘rgimchakkana bilan tirikchilik etdi. 
Men o‘rgimchakkana qachon besh foiz barg yeb bo‘ladi, deya kunim o‘tdi — qandala bilan 
oltinko‘z o‘rgimchakkana terib yeb kuni o‘tdi. 
Bu dunyo teskari dunyo, demishlari chin bo‘ldi. 
 
36
Nihoyat — dalalarimga efirsulfonatli xlorofos sepdim. 
 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
91
37 
G‘o‘zalarim oq-oq gulladi. Oq gul yomon, oq gul yomon! Tanasida suv kamchil g‘o‘za oq 
gullaydi. Tagida o‘g‘it taxchil g‘o‘za oq gullaydi. Dardchil-dardchil g‘o‘za oq gullaydi. Oq gul ko‘sak 
tugmaydi. Tugsa-da — mayda-mayda ko‘sak tugadi.