Марказий банк Аппарати (Бош нозир)

30 Банк бўлимларига кириб-чиқишни ташкил этиш қоидалари талаблари нимадан иборат?.
Банк бўлимларига кириб-чиқиш тариби Ўзбекистон Республикаси Марказий банки 1993 й. 23 июнда тасдиқлаган ва Адлия вазирлиги томонидан рўйхатга олинган «Ўзбекистон Республикаси банк муассасаларига кириб-чиқиш тартибини ташкил этиш Қоидалари» асосида ташкил этилади.
Банк биносидаги барча хоналар уларда амалга ошириладиган операцияларнинг моҳияти ва йўналишига қараб учта кириш зонасига бўлинади:
1-чи зона-банк ходимлари ва мижозларнинг кириб-чиқиши чекланмаган хоналар (операция зали, кредит бўлими ва бошқалар).
2-чи зона-банк муассасаларининг муайян доирадаги ходимларининг кириб-чиқишига рухсат берилган хоналар (операция бўлимлари, касса хоналари).
3-чи зона - банк муассасаларининг қатъий равишда белгиланган мансабдор шахсларгина кириб-чиқиши мумкин бўлган хоналар (ғазнахоналар ва махфий хужжатлар сақланадиган хоналар).
Белгиланган шаклдаги рухсатнома банк биносига кириб-чиқиш ҳамда бойликлар, мулкларни олиб чиқиш учун хуқуқ берувчи ягона хужжатдир.
Рухсатномаларнинг тури тўртта бўлади:
Доимий, муваққат (6 ва 1 ой муддатлик), бир марта ишлатиладиган, моддий рухсатномалар.
Бинога кириб-чиқиш тартиби хар битта банк учун алохида тузилган ўзига хос жихатлари асосида амалга оширилади.
Рухсатнома бериш тартиби бўйича хужжатлар учта китоб ва иккита йиғма жилддан иборат бўлади.
31 Мижозларга нақд пул чекида кўрсатилган суммани қисман бериш мумкинми, мумкин бўлса қандай тартибда?
Йўриқноманинг 103-банди кўрсатилганидек, ҲККМ директори алоҳида ҳолларда, нақд пул чекида кўрсатилган сумма бўйича қисман пул берилишига рухсат этганидан сўнг, пул олувчига ушбу нақд пул чеки бўйича берилаётган амалдаги пул суммаси тўғрисида маълумотнома берилиши лозим.
Маълумотнома директор ва бош бухгалтер томонидан имзоланиб, ҲККМ муҳри билан тасдиқланади. Пул олувчидан олинган пул суммаси тўғрисида нақд пул чекининг орқа томонига тилхат ёздириб олинади. Нақд пул чекига қисман пул тўланганлиги ҳақидаги маълумотноманинг нусхаси илова қилиниб, у шу куннинг касса ҳужжатларига тикиб қўйилади.