Марказий банк Аппарати (Бош нозир)

34 Мансабдор шахсларнинг нақд пул ва бошқа қимматликлар бут сақланиши ва улар билан ишлашда белгиланган қодаларга риоя қилиниши бўйича жавобгарликлари нималардан иборат?
Кассаларда барча қимматликларнинг бут сақланиши учун жавобгарлик банклар ва уларнинг филиаллари раҳбарлари, бош бухгалтерлари, касса мудирлари,пул тушумини инкассация қилиш ва қимматликларнинг ташилиш ҳолати бўйича эса банк раҳбарлари ва Ўзбекистон Республикаси Марказий банки ҳузуридаги Инкассация бирлашмаси (Халқ банки тизимида эса ушбу банкнинг инкассация хизмати) бошлиқлари жавобгардирлар.
ҲККМда барча қимматликларнинг бут сақланиши учун жавобгарлик ХККМ деректорлари, Бош бухгалтери ва касса мудири, накд пул ва бошка кимматликларнинг ташлиши буйича эса банк рахбарлари ва Марказий банк ҳузуридаги республика инкассация Бирлашмаси бошлиқлари шахсан жавобгардирлар.
Касса ишининг тўғри ташкил этилганлиги, сақланаётган барча қимматликларнинг тегишли тарзда ва бут сақланиши, шунингдек, мижозларга касса хизмати кўрсатилишининг аниқ олиб борилиши учун бош бухгалтерлар, касса операциялари бўлимларининг бошлиқлари (касса мудирлари), қимматликларнинг ташилиши ҳамда уларнинг бут сақланишини таъминлаш учун - Инкассация бошқармаси бошлиқлари, инкассация бўлими бошлиқлари ёки уларнинг вазифасини бажарувчи шахслар ҲККМ директори билан бир қаторда жавобгардирлар.
Қимматликлар ва улар билан ишлаш зиммасига юклатилган ҲККМ ва Республика инкассация бирлашмасининг барча ходимлари касса операцияларини амалга ошириш ва ҳисобини юритиш ҳамда пул ва қимматликларни сақлаш, инкассация қилиш қоидалари ва қимматликларни ташишнинг ушбу Йўриқномада белгиланган қоидаларини билишлари шарт. Ходимлар томонидан ҳар қандай тартиббузарликка йўл қўйилганлиги аниқланган тақдирда, улар кўрсатилган қоидаларни билмасликларини рўкач қила олмайдилар.
ҲККМ директорлари, бош бухгалтерлари ва касса мудирлари касса операцияларини амалга ошириш қоидаларига жиддий риоя қилинишини таъминлашлари, ХККМ кассаларга келиб тушган пулларни ўз вақтида кирим қилиниши юзасидан назоратни амалга оширишлари шарт.