Марказий банк Аппарати (Бош нозир)

Ўзбекистон Республикаси
Марказий банки Бошқарувининг
2011 йил "5” октябрдаги
1281- сонли қарорига


4-илова


Ўзбекистон Республикаси Марказий банк ҳудудий Бош бошқармалари бош аудиторлари, эмиссия касса амалиёти бўлими хамда ХККМ ходимларини аттестациядан ўтказишда бериладиган намунавий савол-жавоблар рўйхати:


1 Ўзбекистон Республикасининг Конституцияси ҳақида нималарни биласиз?
Конституция 1992 йил 8 декабрда ўн иккинчи чақириқ Ўзбекистон Республикаси Олий Кенгашининг ўн биринчи сессиясида қабул қилинган бўлиб, у 128-модда, 26-боб ва 6 бўлимдан иборат. Конституция - бу Асосий Қонунимиздир.
Конституция - Асосий қонун қабул қилинган кун умумхалқ байрами деб эълон қилинган. Конституцияда асосий тамойиллар, инсон ва фуқароларнинг асосий ҳуқуқлари, эркинликлари ва бурчлари, жамият ва шахс, маъмурий-ҳудудий ва давлат тузилиши, давлат ҳокимиятининг ташкил этилишианик курсатилган. Ўзбекистон Республикасида қабул қилинадиган қонунлар ва меъёрий ҳужжатлар Конституцияга зид келмаслиги шарт.
2 Ўзбекистон Республикаси давлат ҳокимиятининг тизими:
Ўзбекистон Республикаси давлат ҳокимиятининг тизими-ҳокимиятнинг қонун чиқарувчи, ижро этувчи ва суд ҳокимиятига бўлиниши принципига асосланади.

1. 
   Ўзбекистон Республикаси Олий Мажлиси
   
2. 
   Ўзбекистон Республикаси Президенти
   
3. 
   Вазирлар Махкамаси
   
4. 
   Махаллий давлат хокимияти асослари
   
5. 
   Ўзбекистон Республикаси суд хокимияти
   
6. 
   Сайлов тизими
   
7. 
   Прокуратура
   
8. 
   Молия ва кредит
   
9. 
   Мудофаа ва хавфсизлик
   

3 Ўзбекистон Республикасининг давлат рамзлари нима?
Ўзбекистон Республикасининг байроғи, герби ва мадҳияси. (Ў.Р. Конституцияси, 5-модда).
4 Банк нима? Банк фаолияти тушунчаси.
Банк тижорат ташкилоти бўлиб, банк фаолияти деб ҳисобланадиган қуйидаги фаолият турларини амалга оширадиган юридик шахсдир: юридик ва жисмоний шахслардан омонатлар қабул қилиш ҳамда улардан таваккал қилиб кредит бериш ёки инвестициялаш учун фойдаланиш; тўловларни амалга ошириш (Банклар ва банк фаолияти тўғрисидаги Қонун, 1-модда).