Марказий банк Аппарати (Бош нозир)

35 Имзолар намунаси варақчаси қандай расмийлаштирилган бўлиши керак?
Юридик шахслар ва якка тартибдаги тадбиркорларнинг имзолари намуналари ва муҳр изи қўйилган варақча нотариал тасдиқланади. Уларнинг ваколатхона ва филиалларининг имзолари намуналари ва муҳр изи қўйилган варақчалари ҳам нотариал тасдиқланади, тасдиқни талаб қилмайдиган давлат муассасалари ва норезидент банкларнинг имзолар намуналари ва муҳр изи қўйилган варақчалари бундан мустасно. Имзолар намуналари ва муҳр изи қўйилган варақчаларда ҳисобварақларнинг рақамлари кўрсатилади.
Ўзбекистон Республикаси "Бухгалтерия ҳисоби тўғрисида"ги Қонунининг 8-моддасига мувофиқ, юридик шахс раҳбари имзолар намуналари варақчасига киритиладиган имзолаш ҳуқуқига эга бўлган шахсларнинг иккита рўйхатини тасдиқлайди. Биринчи рўйхатга - раҳбарлик вазифаларини амалга оширувчи шахслар, иккинчисига - бухгалтерия ҳисоби ва молиявий бошқариш вазифаларини амалга оширувчи шахслар киради.
Юридик шахс мақомини олмасдан фаолият кўрсатаётган деҳқон хўжалиги раҳбари ва якка тартибдаги тадбиркорлар муҳри бўлмаган ҳолларда, ўзларининг нотариал тасдиқланган имзолари намуналарини тақдим қиладилар.
Тўловга тақдим этиладиган чекларнинг рақамларини текшириш мақсадида банк мижозларга берган пул чеклари рақамларини масъул ижрочи ва назоратчилардаги мижозларнинг имзолари ҳамда муҳр излари намунаси кўрсатилган варақчада қайд этилади.
36 Асосий воситаларнинг амортизацияси ҳисоби қайси усуллар асосида юритилиши мумкин?
Тўғри чизиқли усул, ишлаб чиқариш усули, тезлаштирилган усуллар: йиллар йиғиндиси усули ва камайиб борувчи қолдиқ усули.
37 Хўжалик субъектларига банкларда ҳисобварақлар очиш тартиби қайси меъёрий ҳужжат асосида тартибга солинади ва улар банкларда қандай ҳисобварақлар очишлари мумкин?
Адлия вазирлигида 2009 йил 27 апрелда 1948-сон билан рўйхатга олинган “Ўзбекистон Республикаси банкларида банк ҳисобварақларини очиш тўғрисида”ги Йўриқнома асосида. Хўжалик субъектлари банкларда миллий ва хорижий валюталарда депозит ҳисобварақлари (асосий ва иккиламчи талаб қилиб олгунча, муддатли, жамғарма, аккредитив) ҳамда ссуда ҳисобварақлари очишлари мумкин.