Марказий банк Аппарати (Бош нозир)

5 Марказий банкнинг норматив хужжатларини тасдиқлаш қайси орган ваколатига киради?
Марказий банкнинг норматив хужжатларини тасдиқлаш Марказий банк Бошқаруви ваколатига киритилган. (Марказий банк тўғрисидаги Қонун, 17-модда)
6 Марказий банкнинг бош мақсади ва асосий вазифалари нималардан иборат?
Марказий банкнинг бош мақсади миллий валютанинг барқарорлигини таъминлашдан иборат.
Асосий вазифалари:
Монетар сиёсатни ҳамда валютани тартибга солиш соҳасидаги сиёсатни шакллантириш, қабул қилиш ва амалга ошириш;
Ўзбекистон Республикасида ҳисоб-китобларнинг самарали тизимини ташкил этиш ва таъминлаш;
Банклар, кредит уюшмалари, микрокредит ташкилотлари ва гаровхоналар фаолиятини лицензиялаш ҳамда тартибга солиш, банклар, кредит уюшмалари, микрокредит ташкилотлари ва гаровхоналарни назорат қилиш, қимматбаҳо қоғозлар бланкалари ишлаб чиқаришни лицензиялаш;
Ўзбекистон Республикасининг расмий олтин-валюта резервларини, шу жумладан келишув бўйича ҳукумат резервларини сақлаш ва тасарруф этиш;
Давлат бюджетининг касса ижросини Молия вазирлиги билан биргаликда ташкил этишдан иборатдир.
7 Марказий банк учун қандай фаолият турлари билан шуғулланиш тақиқланган?
- Марказий банк: Молиявий ёрдам кўрсатиш билан шуғулланишга; тижорат фаолияти билан шуғулланишга; Марказий банк фаолият юритишини таъминловчи корхоналар ва ташкилотларни тузишда иштирок этишини истисно этганда, банклар ва бошқа юридик шахслар капиталида (Ўзбекистон Республикаси Халқ банки ва "Микрокредитбанк" акциядорлик тижорат банкидан ташқари) қатнашишга ҳақли эмас. (Марказий банк тўғрисидаги Қонун, 4-модда)
8 Марказий банкнинг ҳисобот даври ва ҳисобот бериш тартиби?
Марказий банкнинг ҳисобот даври 1 январь-31 декабрь қилиб белгиланган. Йиллик ҳисобот 15 майдан кечиктирилмай Олий Мажлис Сенати кўриб чиқиши учун тақдим этилади. (Марказий банк тўғрисидаги Қонун, 5-модда)
9 Ўзбекистон Республикасининг “Ўзбекистон Республикаси Марказий банки тўғрисидаги Қонунида” Ўзбекистон Республикаси пул тизими қандай таърифланган?
Ўзбекистон Республикасининг пул тизими, Ўзбекистон Республикасининг пул бирлигини, пул муомаласини ташкил этишни ва уни тартибга солишни ўз ичига олади.
Ўзбекистон Республикасининг пул бирлиги «сўм»дир. Бир сўм юз тийиндан иборат.
«Сўм» Ўзбекистон Республикасида ягона, чекланмаган ва қонуний тўлов воситаси ҳисобланади. (Марказий банк тўғрисидаги Қонун, 32-модда)