Марказий банк Аппарати (Бош нозир)

13 Ўзбекистон Республикаси Марказий банкининг захира фондлари қандай ташкил этилади?
Марказий банк рухсати билар захира фондлари ҲККМ ва уларнинг филиалларидаги пул омборларида ташкил этилади. Рухсат олиш учун МБ ҲББлари Марказий банкнинг ЭКОДга рухсат бериш тўғрисидаги захира фондларини очиш заруратига асосланган илтимоснома ва пул омборининг тўлдирилган паспортини тақдим этади.
14 Захира фондларини тасарруф этиш тартиби қандай?
Марказий банк Раиси (ёки унинг буйруғига асосан Раис ўринбосарларидан бири)нинг муомалага пул чиқариш ёки бошқа ҲККМларини мадад пули билан таъминлаш ҳақидаги ёзма кўрсатмасига асосан сарфланиши мумкин. Жойларда МБ ҲББлар раҳбарлари захира фондларини тасарруф этадилар. ҲККМ ва уларни филиаллари раҳбарлари эса, улар лавозимга тайинланганлиги тўғрисидаги буйруққа асосан захира фондларига доир операцияларни амалга оширилишини таъминлайдилар. МБ ҲББ бошлиғи вақтинча ишда бўлмаганида (таътил, хизмат сафари, касал ва ҳ.к.) захира фондларини тасарруфини ўз ўринбосарига бериш ҳуқуқига эга. Ўринбосар бўлмаган вақтда эса МБ ҲББнинг сўровига кўра Марказий банк рухсати билан захира фондлари бошқа шахс зиммасига юклатилади.
15 ҲККМ айланма кассасининг лимити қандай тартибда ўрнатилади?
а) Марказий банк Республика бўйича айланма кассаларнинг лимитини белгилайди, б) МБ ҲББлари Марказий банк тасдиқлаган айланма кассаси лимити доирасида ҲККМлар ва уларнинг филиаллари айланма кассалари лимитларини белгилайди. Белгиланган лимит суммаси 120-дафтар муқовасида қайд этилади ва ҲККМ директори, бош бухгалтерии ва касса мудири томонидан имзоланади.
Айланма кассанинг лимити кун охирида белгиланади. Ундаги пул суммаси белгиланган лимит суммасидан ошиб кетмаслиги керак.
16 ҲККМ айланма кассасидаги эскирган пулларни захира фондлардаги тўловга яроқли пулларга алмаштириш тартиби қандай?
Эскирган пулларни захира фондларига қўйиш ҳамда у ердан яроқли пулларни олиш кўзда тутилмаган ҳолатлар ҳисобварағининг 178-шаклдаги кирим-чиқим ордери билан расмийлаштирилади ва айирбошлашни амалга ошириш учун банк раҳбарининг рухсати олинади. Амалда захира фондларига қанча эскирган пуллар суммаси қўйилса, у ердан шунча миқдорда яроқли пуллар айланма кассасига ўтказилиши амалга оширилади.