Марказий банк Аппарати (Бош нозир)

21 Ўзбекистон Республикаси Марказий банки ҳузуридаги “Давлат белгиси” Давлат ишлаб чиқариш бирлашмаси ўрамларидаги пулларни мизозларга бериш тартиби қандай амалга оширилади?
Ўзбекистон Республикаси Марказий банки ҳузуридаги “Давлат белгиси” Давлат ишлаб чиқариш бирлашмаси ўрамларидаги пулларнинг боғламлари очилиб, мижозларга алоҳида дасталар билан ёки доналаб бериладиган ҳолларда боғламдаги пул касса мудирининг ёки шу мақсадлар учун ажратилган ходимнинг иштирокида олдиндан ва тўлиқ бирма-бир санаб кўрилиши лозим.
“Давлат белгиси” Давлат ишлаб чиқариш бирлашмаси ўрамларидаги пуллар мижозларга берилаётган вақтда охирги учта номиналдаги пулларнинг серия ва рақамлари алоҳида дафтарда қайд этилиб, мижозларга имзо қўйдирилган ҳолда берилиши шарт.
22 Касса ходимларига қандай операцияларни бажариш қатъиян ман этилади?
а) қимматликлар билан ишлаш бўйича ўзига топширилган вазифани бошқа шахсларга ишониб топшириш ва ўз вазифаси доирасига кирмайдиган ишларни бажариш;
б) мижозларнинг нақд пулларини олиш ва уларнинг банкдаги ҳисобварақларига пул қўйиш тўғрисидаги топшириқларини бевосита бажариш, шунингдек улардан бухгалтерия ходимларини четлаб ўтиб пул қўйиш ёки пул олишга доир ҳужжатларни қабул қилиш;
в) ўз пулларини ва бошқа қимматликларни банкнинг пул ва қимматликлари билан бирга сақлаш.
23 Касса мудири ва банк кассирлари иш жараёнида қандай касса китобларидан фойдаланадилар?
Касса мудири ва банк кассирлари иш жараёнида 120, 121, 123, 141, 141а, 155, 161, 171-сонли китоблардан ва пулни қайта санаш кассасида 175-сонли назорат варақаларидан фойдаланадилар.
120 - Айланма кассасидаги нақд пул ва бошқа қимматликларнинг ҳисобини юритиш
121 - Пул омборида накд чет эл валютаси ва чет эл валютасидаги тўлов ҳужжатларининг мавжудлигини ҳисобга олиш
123 - Пул омборларидан пул ва бошқа қимматликларни назорат қайта санаш, саралаш, тафтиш учун бериш ва қайта топшириш ҳисобини юритиш
141А - Ҳисоб-китоб-касса марказининг 90105 / 90106 хисобварақларида булган ва муомалага чиқарилмаган «давлат белгиси» дичб ўрамидаги янги нақд пул ва тангалар ҳисобини юритиш