Марказий банк Аппарати (Бош нозир)

17 ҲККМларида қимматликларни тафтиши қайси муддатлар ва ҳолларда ўтказилади?
а) ҲККМ директорининг фармойиши бўйича ҳар чоракда камида бир марта, б) ҳар йили, янги йилнинг 1 январ ҳолатига кўра, в) ҲККМ директори, бош бухгалтери ёки касса мудири алмашганда, г) қимматликлар сақланиши учун жавобгар бўлган мансабдор шахслар вақтинча алмашганда, д) бошқа ҳолларда – Марказий банкнинг фармойиши бўйича.
18 ҲККМ пул омборининг дубликат калитлари қандай тартибда сақланиши керак?
ҲККМларнинг барча пул омборлари, сейфлар, металл шкафлар калитларининг дубликати бўлиши ва улар батафсил рўйхат билан пакет ва ташқи чоки бўлмаган қопга солиниб, тугун ва узилган жойи бўлмаган тизимча билан тикилиши ва қимматликлар бут сақланиши учун жавобгар бўлган уч мансабдор шахсларнинг мухрлари билан мухрланиши керак. Қоп, ушбу шахслар томонидан имзоланиб мухр босилган илова хати билан бирга, МБ Тошкент шаҳар ББ ҲККМга сақлаш учун топширилади. Сақлаш учун топширилган дубликат калитлар тўғрисида квитанция рўйхат ва илова хатининг нусхалари билан бирга раҳбар сейфида сақланади ва кўзда тутилмаган ҳолатлар ҳисобварағида 1 сўм қийматда ҳисобга олинади.
19 Банк бўлимларига касса ходимларини ишга қабул қилиш тартиби қандай?
Кассирлик лавозимига 18 ёшга тўлган шахслар қабул қилинади. Ҳар бир кассир билан якка тартибдаги моддий жавобгарлик шартномаси тузилади. Шахсни кассир лавозимига қабул қилишда унинг илгарига иш жойидан тавсифнома олинади, унинг илгари судланмаганлиги ҳақида Ички ишлар органларидан, яшаш жойидан ва соғлиғи ҳақида маълумотномалар ва фотосуратлар олинади.
20 ҲККМда мижозлар билан касса операцияларини амалга ошириш ва нақд пулларга ишлов бериш бўйича қандай кассалар ташкил этилади?
Банкларда мижозлар билан касса операцияларини амалга ошириш ва нақд пулларга ишлов бериш бўйича айланма касса ва операцион кассалар ташкил этилади.
Операцион кассаларга– кирим ва чиқим кассалари, пулни қайта санаш кассаси, кечки касса, хўжалик юритувчи субъектлар қошидаги махсус касса ва коммунал тўловларни қабул қилиш бўйича жамғарма ҳамда сайёр кассалар киради. Ушбу кассалар касса операцияларининг ҳажми, хизмат кўрсатувчи мижозлар сони ва касса ходимларининг белгиланган штатлар жадвалидан келиб чиққан ҳолда банк раҳбарининг фармойишига асосан ташкил этилади.