Марказий банк Аппарати (Бош нозир)

26 Тижорат банкининг айланма кассасини мадад пули билан таъминлаш тартиби қандай?

Тижорат банклари мадад пули билан таъминланишини сўраб Марказий банкнинг худудий Бош бошқармаларининг Пул муомаласини тартибга солиш ва мониторинг бошқармаларига буюртма берадилар. Бошқарма буюртмани кўриб чиқиб Эмиссия-касса операциялари бўлимига тижорат банклари операция кассаларини мадад пули билан таъминлаш бўйича кўрсатма беради. Эмиссия-касса операциялари бўлими Инкассация хизматига тижорат банкларини мадад пули билан таъминлаш бўйича фармойишлар берадилар ва бажарилишини назорат этадилар. Инкассация хизмати фармойишни бажариш учун инкассаторлар гуруҳини тайинлайди ва гуруҳ бошлиғига тегишли шаклдаги ишончнома беради. Инкассаторлар гуруҳи фармойиш ва ишончнома асосида жўнатувчи банкдан белгиланган тартибда пул қабул қилиб оладилар ва белгиланган жойга олиб бориб топширилишини таъминлайдилар.

27 ҲККМларда пул ва бошқа қимматликларни сақлаш тартииби.

Пул ва бошқа қимматликлар касса тармоғи таркибида бўлган захира фонди (ёки айланма касса ) ғазнахонасида ҳамда кечки касса ғазнахоналарида сақланади.
28 Ғазнахоналарни қўриқлашга топшириш, уларни очиш ва ёпиш қоидалари қандай?
Очиш учун милиция Марказий қўриқлаш пультига телефон қилиб белгиланган паролни айтиб қўриқлаш хабаргоҳлари ўчирилади, кейин банк биносидаги милиция қўриқлаш посбони иштирокида ғазнахонанинг зирхли эшикдаги мухирлар бутлиги текширилиб 161-шаклдаги дафтарга моддий жавобгар шахслар ва милиция посбони томонидан имзо чекилади ва зирхли эшик очилади. Иш куни охирида шундай тартибда ғазнахона эшиги мухрланади ва қўриқлаш учун милиция посбонига ушбу китобга моддий жавобгар шахслар ва милиция посбони томонидан имзо чекилиб топширилади.
29 Қўриқлаш ва хавфдан огохлантирувчи техник воситаларини ўрнатиш, улардан фойдаланиш ва техник хизмат кўрсатишни ташкил этиш қандай амалга оширилади?
Ушбу ишлар Ўзбекистон Республикаси Марказий банки ва Ички Ишлар вазирлиги биргаликда 1998 й. 4 февралда тасдиқлаган 90/375-сонли «Банк муассасаларини қўриқлаш ва ёнғиндан хабар берувчи техника воситалари билан жиҳозлашга доир Талабнома» асосида бажарилади.
Банк биноларига сигнализация воситаларини ўрнатиш-ИИБ томонидан тузиладиган текшириш далолатномаси асосида амалга оширилади. Техник воситаларини ўрнатиш ишлари Ички Ишлар вазирлигининг махсус лицензиясига эга бўлган ташкилот бажаради Бинога ўрнатилган сигнализация воситалари ИИБ хузуридаги «Қўриқлаш» бошқарма (бўлими) томонидан фойдаланишга қабул қилинади. Сигнализация техник воситаларини мунтазам иш холатида бўлишини таъминлаш учун «Қўриқлаш» бошқармаси (бўлими) билан техник хизмат кўрсатиш бўйича шартнома тузилади.