Маймун чечаги

Сунъий чақирилувчи иситма

Иситманинг одам организмига ижобий таъсир этиши пиротерапия ўтказишга асос бўлиб хизмат қилади. Яъни даволашнинг замонавий усулларига қўшимча тарзда тозаланган бактериал пирогенларни организмга юбориб даволаш (пирогенал, пиромена, пирексал) усулларидан фойдаланиш.

Пиротерапияни антибиотикларга резистент, чўзилувчан, рецидив берувчи ва сурункали бактериал инфекцияларда, заҳм касаллигининг эрта шаклларида, нейрозаҳмда, суст кечувчи гонореяда, псориаз, экзема, стрептодермия, сарамас, жинсий аъзоларнинг сурункали касалликларида, қора оқсоқда, жигар циррозида, суст кечувчи сил касаллигида, бронхиал астманинг инфекцион-аллергик шаклида қўллаш мумкин.

Пиротерапияни юрак қон томир етишмовчилиги, гипертоник касалликнинг II-III босқичида, юракнинг сурункали ишемик касаллигида, қандли диабет декомпенсациясида, тиреотоксикоз, ҳомиладорликда қўллаш мумкин эмас.

Ноаниқ генезли иситма (НГИ)

Ноаниқ генезли иситма атамаси Beeson номи билан боғлиқ.

Иситма 3 ҳафтадан ортиқ давом этса, 38°С дан юқори бўлса, интоксикациясининг фақат носпецифик умумий симптомлари кузатилса, стационар шароитда ҳам 2 ҳафта давомида ўтказилган тўлиқ, чуқур текширувларда ҳам иситма сабабини аниқлаб бўлмаса НГИ деб ташхис қўйилади.

Бу ҳолатларда иситма касалликнинг асосий симптоми ҳисобланади.

УАШ ноаниқ генезли иситмаларни кўп кузатиши мумкин. Шу сабабдан қиёсий ташхис ўтказиш асосларини яхши билишлари шарт.

НГИ нинг кўплаб этиологик таснифлари мавжуд. Лекин НГИ ни шартли равишда 6та гуруҳга бўлиб ўрганиш қулайроқ.

1.Сурункали инфекциялар (масалан, локализацияси аниқ бўлмаган сурункали абсцесслар; ўпкадан ташқаридаги сил; қора оқсоқ; безгак ва ҳ.к.).

2.Организмнинг паранеопластик реакцияси (гипернефрома ва умумий саратон).

3.Кўпроқ қорин бўшлиғи лимфатик безларининг ёмон сифатли лимфобластомалари (лимфогранулематоз, лимфосаркоматоз).

4.Бириктирувчи тўқиманинг тизимли зарарланиши (биринчи навбатда тугунчали периартерит ва унга ўхшаш васкулитлар, ревматоид артритлар).

5.Нейроэндокрин зарарланишларда.

6.Тўлиқ, чуқур текширувлардан сўнг ҳам иситма этиологияси аниқ бўлмайдиган касалликлар.

Ташхис қўйишда беморнинг аввал ўтказган касалликлари, касби, ҳайвонлар билан мулоқат эндемик ўчоқларда бўлганлиги ҳақидаги маълумотларнинг ҳам аҳамияти катта.

Кўпчилик олимларнинг таъкидлашича НГИ га кўп учрайдиган касалликларнинг атипик шакллари сабабчи бўлар экан. НГИ ташхиси билан касалхонага ётқизилган юқумли касалликларнинг қарийб 22% ини ўткир респиратор вирусли касалликлар; 20% энтеровирусли инфекциялар; 3% иерсиниоз ва псевдотуберкулёз; 8% хламидиоз инфекциялари ташкил этган.

Умуман олганда катталар орасида НГИ ташхиси қўйилганларда қуйидаги касалликларни аниқлаш мумкин: