Маймун чечаги

Спирохетоз инфекциялар

Макуляр (доғли) заҳм – бу иккиламчи заҳмнинг бир варианти ҳисобланади. Беморнинг аҳволи қониқарли бўлади. Давомли субфебрил иситма билан бирга кўкракнинг икки ён тарафида, қоринда думалоқ кўкимтир розеолез тошмалар тошиши билан кечади. Тошма босилганда йўқолади, 2-3 ҳафтадан сўнг ўзидан сўнг из қолдирмай йўқолади.

Ташхиси анамнез, объектив кўрув ва лаборатор (Вассерман реакцияси) текширувларга асосланади.

Лептоспироз

Қўзғатувчиси Spirochaetaeceae оиласи, Leptospira туркумига мансуб.

Касаллик манбаи касал ва касалланиб ўтган ёввойи ва уй ҳайвонлари ҳисобланади. Контакт ва алиментар йўл билан юқади. Одамдан одамга юқмайди.

Клиникаси. Сариқлик ва сариқсиз кечадиган шакллари фарқланади. Яширин даври 3-30 кун. Касаллик тўсатдан ўткир бошланади. Иситма қалтираш билан тезда 39-40°С гача кўтарилади. Беморлар кучли бош оғриғи, бош айланиши ва дармонсизликка шикоят қиладилар. Бел ва болдир мушакларида кучли оғриқ бўлади. Иситма 5-10 кунгача сақланиб, доимий ёки ремиттирловчи типда бўлади. Критик ёки қисқа лизис билан тушади. 7-9 кундан сўнг иситма яна кўтарилиш мумкин (икки тўлқинли).

Рецидив берганда 7-8 кундан сўнг яна 3-6 кунгача иситма субфебрилгача кўтарилади. Бу даврда бемор қўзғалувчан, юзи керкган, қизарган, склера қон томирлари кенгайган бўлади. Касалликнинг 3-6-кунларидан тана ва қўл-оёқларга полиморф тошма (қизамиқсимон, майда нуқтали, уртикар ва ҳ.к.) тошади. Оғир ҳолларда геморрагик тошмалар тошиши мумкин. Касаликнинг иккинчи ҳафтасидан бошлаб умумий интоксикация ва иситма белгилари бироз пасаяди. Иситма поғонасимон тушади. Лекин буйрак, жигар зарарланиши белгилари кучайиб боради. Беморда сариқлик синдроми ривожланади. Буйракнинг зарарланиши лептоспирозга хос белгидир.

Касалликнинг 3-ҳафтасидан орқага қайтиш даври бошланади.

Лаборатор ташхисида қон, сийдик ва ликвордан лептоспираларни ажратиб олиш мумкин.

Серологик реакциялардан микроагглютинация реакцияси (диагностик титри 1:100), КБР, РНГА усуллари қўлланилади.