Маймун чечаги

Гистоплазмоз

Гистоплазмознинг енгил шаклларида иситма 3-4 кун давом этади. Оғир шаклларида касаллик тўсатдан ўткир, қалтираш билан бошланади. Тана ҳарорати 40-41°С гача кўтарилади. Иситма 4-6 ҳафтагача давом этиб, суткалик тебраниши 3°-4°С бўлади.

Ўпкани рентгенологик текширганда сувдаги пахта чўкиндисига ўхшаш инфильтрат кўринади, кейинчалик улар ўрнида фиброз ва кальцинат ўчоқлар пайдо бўлади.

Ташхиси: балғам, қон ва ютқум шиллиқ пардаси қириндисидан гистоплазмларни топиш.

Давосида амфотерицин, промизон, витаминлар, йод препаратлари қўлланилади.

Трихинеллёз

Қўзғатувчиси Trichinella spiralis – майда нематода.

Перорал биогельминт, зооноз. Манбаи ёввойи ҳайвонлар (бўри, тулки, ит, ёввойи чўчқа, айиқлар) ҳисобланади.

Яхши термик ишлов берилмаган гўшт орқали трихинелла личинкаси одам организмига тушади, ошқозон ва ингичка ичакда капсуласидан ажралади. 1-1,5 соатдан сўнг шиллиқ парда, шиллиқ парда остига ўтади ва бир кундан сўнг жинсий етилади. Копуляциядан сўнг 3-4 кундан 10-30 кунгача урғочиси личинка қўяди. Бу личинка қон орқали скелет мушакларига етиб боради. Спиралсимон буралади ва капсулага ўралади. 17-18 кундан сўнг инвазив хусусиятга эга бўлади.

Клиникаси. Яширин даври 10-25 кун. Касалликнинг хос клиник белгилари – бу қовоқ ва юзларнинг шишиши, миалгия, иситма, қонда юқори эозинофилия. Қовоқларнинг, юзнинг шишиши конъюнктивит ва иситма билан бирга кузатилади. Иситма кўпинча ремиттирловчи, кам ҳолларда доимий ёки интермиттирловчи типда бўлади. Касаллик енгил кечган ҳолларда иситма кучсиз намоён бўлади. Касаллик 1-6 ҳафтагача давом этади.

Ташхисида: эпидемиологик анамнез ва клиник белгилари, қондаги эозинофилия (50-60% ва юқори), лейкоцитоз, истеъмол қилинган гўштни текшириш (трихинеллоскопия) аҳамиятга эга.

Иммунологик текширувлардан ҳалқа преципитация реакцияси (2-3-ҳафтадан), КБР (4-5-ҳафтадан), тирик личинка билан микропреципитация реакцияси (1-2-ҳафтадан) қўлланилади.