Маймун чечаги

Даврий иситма касаллиги – НГИ гуруҳига кирувчи касаллик ҳисобланади (синонимлари: оилавий полисерозит, Джейнуэя-Мозентал пароксизмал синдроми, даврий перитонит, невропатиясиз наслий оилавий амилоидоз ва ҳ.к.). Кўпинча Ўрта Ер денгизи соҳили аҳолисида учрайди.

Касаллик белгилари: қисқа давом этувчи ва рецидив берувчи иситма, қоринда оғриқ, перитонит белгилари. Кам ҳолларда кўкрак (плеврит) ва катта бўғимларда оғриқ, болдир ва товонда сарамасга ўхшаш эритема. Одатда хуруж 1-2 кун давом этиб, рецидив билан кечади. Хуруж даврида ЭЧТ юқори, лейкоцитоз, С-реактив оқсил ва зардобдаги фибриногенлар юқори бўлади. Ремиссия даврида бемор ҳолати қониқарли бўлади.

Давоси – колхицин.

Нейроген гипертермия – узоқ давом этувчи НГИ га ўхшаб кечади. Нейроген гипертермия асосан психовегетатив ва терморегуляциянинг марказий механизмлари зарарланишидан келиб чиқади. Бунда иситма ҳар хил бўлиши мумкин: узоқ вақт бошқа белгиларсиз; ёки фақатгина психоэмоционал белгиларнинг ўзигина яққол бўлмай; гоҳида кучли терлаш, қалтираш, юракда оғриқ, нафас олиш қийинлашуви (ҳаво етишмаслик), эрталабки иситма кечкисидан юқори; бирдан пайдо бўлиб бирдан йўқолувчи ,тана температураси билан юрак қисқариш сонининг мос келмаслиги.

Нейроген иситмада клиник ва лаборатор-инструментал текширувлар беморда ҳеч қандай патологик ўзгаришларни кўрсатмайди. Лекин беморда психоэмоционал ўзгаришлар етарли даражада ва кўпроқ кузатилади.

Нейроген иситманинг ривожланишида психоген омилнинг аҳамиятини назарда тутиб беморларни даволашда малакали психоневролог ва психофармакологларнинг иштироки зарур. Айрим ҳолларда терморегулятор марказнинг рефлектор қитиғланиши ҳисобига ҳам иситма кузатилади (масалан, сийдик ёки ўт йўлларидан тошнинг ўтишида).