5-мавзу: Д. И. Менделеевнинг даврий қонуни ва кимёвий элементлар даврий системаси

• 5-мавзу: Д. И. Менделеевнинг даврий қонуни ва кимёвий
• элементлар даврий системаси

• 5.3. Даврий қонун ва даврий системанинг аҳамияти

• 5.1. Д.И. Менделеевнинг даврий қонуни

• 5.2. Кимёвий элементлар даврий системаси

• Назорат саволлари

• Ўқув модули бирликлари:

• 5.1. Д.И. Менделеевнинг даврий қонуни

• ХIХ аср бошларида элементларни алоҳида синфларга ажрариш мумкин эмас эди. Чунки уларнинг сони жуда ҳам кам бўлганлиги билан бир қаторда атом массаси, физик ва кимёвий хоссаларининг маълум қонуният асосида ўзгариши ҳали тўлик ўрганилмаган эди. Илмий изланишлар натижасида янгидан-янги элементлар кашф этилиши билан бир қаторда уларнинг хоссалари, атомларининг тузилиши ўрганиб борилди, баъзи элементларнинг аввалдан маълум бўлган табиий груҳларига ўхшаш элементлар груҳлари аниқланди.
• Элементлар ва уларнинг бирикмалари хакида тўпланган маълумотлар кимёгарлар олдида барча элементларни синфларга ажратиш вазифасини қўйди. А.Лавуазье (1789 й.), Берцелиус (1812 й.), Дёберейнер (1817 й.), Гмелин (1843 й.), Петтенкофер (1850 й.), Дюма ( 1850 й.), Де-Шанкуртуа (1862 й.), Ньюлендс (1863 й.), Мейер (1869 й.) ва бошқа олимлар элементларни синфларга ажратишга уриниб кўрдилар. Аммо ҳеч ким элементлар орасида мавжуд бўлган ўзаро узвий боғланиш борлигини аниқ кўрсата олмади.
• Кимёвий элементларни ягона системага келтириш масаласини фақатгина Д.И.Менделеев муваффақиятли ҳал қилди; у 1869 йилда даврий қонунни кашф этди ва шу асосда кимёвий элементлар даврий системасини яратди. Д.И.Менделеев ўзи яратган даврий қонунни қуйидагича таърифлади: “Оддий моддаларнинг (элементларнинг) хоссалари, шунингдек, элементлар бирикмаларининг шакл ва хоссалари элементларнинг атом массаларининг ортиб боришига даврий равишда боғлиқдир”.

• мундарижа

• мундарижа

• Д.И.Менделеевнинг даврий системаcида бир элементдан иккинчи элементга ўтилган сари атом ядросининг мусбат заряди ва электрон сони ортиб боради. Бу ўз навбатида кимёвий элементларнинг хоссаларини ўзгаришига олиб келади. Демак, элементнинг тартиб рақами шунчаки бир рақам бўлмасдан, балки унинг атом ядросининг мусбат зарядини ва электронлар сонини билдиради. Шунга кўра, ҳозирги вақтда даврий қонун қуйидагича таърифланади: "Элементларнинг хоссалари, ҳамда улар ҳосил қилган оддий ва мураккаб моддаларнинг хоссалари элементларнинг атом ядролари зарядларини ортиб боришига даврий равишда боғлиқдир".

• Атом тузилишини мукаммал ўрганилиши натижасида даврий қонуннинг моҳияти яққол намоён бўлди, элементларнинг хоссалари даврий равишда ўзгаришини талқин қилишга, уларнинг даврий системада жойланиши билан кимёвий хоссалари орасида маълум боғланиш борлигини аниқлашга имконият яратилди.

• Д. И. Менделеев 1834 йилнинг 7 январида Тобольск шаҳрида маҳаллий гимназия директори оиласида туғилган. У Тоболъск гимназиясида ўқиб ўрта маълумот олади, шундан кейин Петербург педагогика институтига ўқишга кириб 1857 йилда институтни олтин медал билан тамомлайди. 1859 йилда “Солиштирма ҳажмлар туғрисида” деган мавзуда магистерлик диссертациясини ёқлаб, чет элга 2 йиллик хизмат сафарига кетади. Хизмат сафари чоғида кимёгарларнинг Карлсруэдаги бутун дунё съездида иштирок этади. Менделев Россияга қайтганидан сўнг Петербург технологик институтининг профессори қилиб сайланади. Икки йил ўтгандан кейин у Петербург университетининг профессори қилиб сайланади.
• Д. И. Менделевнинг илмий ва амалий фаолияти ниҳоятда кенг ва ҳар томонлама бўлиб, унинг ишлари фаннинг ҳилма–ҳил соҳаларига, хусусан кимё, физика, физик кимё, геофизика фанларига оиддир.

• мундарижа

• 5.1. Д.И. Менделеевнинг даврий қонуни (давоми)

• 5.2. Кимёвий элементлар даврий системаси

• Элементлар даврий системаси даврий қонуннинг жадвал кўришидаги ифодасидир. Бу система давр ва гуруҳларга бўлинади.
• Ҳозир даврий системада 118 та элемент бўлиб, улар горизонтал бўйича 7 та давр ва 10 та қатор ҳамда 8 вертикал гуруҳга жойлаштирилган. I,II,III даврларнинг ҳар бири фақат бир қатордан тузилган бўлиб, улар кичик даврлар, IV,V,VI ва VII даврларнинг ҳар бири икки қатордан тузилган бўлиб, улар катта даврлар ҳисобланади. Биринчи даврдан бошқа ҳамма даврлар ишқорий металлар билан бошланиб инерт газлар билан тугайди.
• Ҳар қайси даврда элементлар атом массасининг ортиб бориши билан (чапдан ўнгга силжиган сари) элементларнинг кимёвий хоссалари аста-секин ўзгариб боради: металлик хусусияти сусайиб, металлмаслик хусусияти кучаяди.
• Кимёвий элементлар даврий системасида 8 та гуруҳ бўлиб, ҳар қайси гуруҳ 2 та гуруҳчага бўлинади. Типик элементлар билан бошланувчи гуруҳчалар асосий (бош) гуруҳча номи билан юритилади. Катта даврларнинг тоқ қатори элементлари билан бошланувчи гуруҳчалар қўшимча (ёнаки) гуруҳча деб айтилади.
• Даврий системада типик металл ва металлмаслар тегишлича I ва VII гуруҳларнинг асосий гуруҳчаларида жойлашган, қолган ҳамма элементлар улардаги металлик ёки металлмаслик хоссаси кучлилигига қараб, шартли равишда, металл ёки металлмаслар жумласига киритилади.
• Даврий системада элементлар ўртасидаги ўхшашлик 3 йўналишда намоён бўлади:
• 1. Горизонтал йўналишда: бу ўхшашлик – катта давр элементларида, лантаноид ва актиноидлар туркумига кирган элементларда учрайди. Масалан, миснинг баьзи хоссалари никелникига ўхшайди.
• 2. Вертикал йўналишда: даврий системанинг вертикал равишда жойлашган элементлари ўзаро бир – бирига ўхшайди.
• 3.Диагонал йўналишда: даврий системада ўзаро диагонал жойлашган баъзи элементлар ўзаро ўхшашлик намоён қилади, масалан: Li билан Mg; Be билан Al; B билан Si ; Ti билан Nb лар бир-бирларига кимёвий хоссалари жиҳатидан ўхшайди.

• мундарижа

• 5.3. Даврий қонун ва даврий системанинг аҳамияти

• Д.И.Менделеев даврий қонун асосида яратган даврий система ҳамма кимёвий элементлар орасида мавжуд бўлган боғланишни очиб беради. Ҳар қайси элементнинг хоссаси ҳакида бошқа элеметларнинг хоссаларига, шунингдек, шу элементнинг даврий системадаги ўрнига қарабгина тўла хулоса чиқариш мумкин.
• Д.И.Менделеев «Элементлар битта қонунга буйсунади, табиати жиҳатидан бир хил ва бир-бирини тўлдиради, ана шунинг учун ҳам улар даврий системада маълум тартибда жойлашади" деган эди.
• Даврий система кимёнинг ва бошқа табиий фанларнинг ривожланишида ниҳоятда муҳим аҳамият касб этди. У янги элементлар излаш, кўпгина элементларнинг атом массасини тўғрилаш, уларнинг валентлигини аниқлаш ҳамда моддаларнинг тузилишини ўрганишда олға силжиш учун муҳим туртки бўлди.

• мундарижа