M. N. Majidov. S. X. Nasimov

Tadqiqotning ilmiy yangiligi quyidagilardan iborat:
Boshlang‘ich sinf yoshidagi bolalarning maktabga moslashishda psixologik omillar, bevosita oilaviy munosabatlarda, tengdoshlar guruhida, guruhlararo munosabatlarda namoyon bo‘ladigan jihatlari o‘quvchilarning ta’lim motivatsiyasi darajasini aniqlashga qaratilgan sifatlariga bog‘liqligini "Maktab o‘quvchilarining o‘quv motivatsiyasini o‘rganish" metodikasi asosida aniqlangan;
boshlang‘ich sinf yoshidagi bolalarning maktabga moslashish jarayonida o‘quvchining ichki pozitsiyasini aniqlashtirishga qaratilgan kognitiv va ta’lim motivatsiyasi kognitiv ehtiyojlar va shaxsiy fazilatlarni rivojlantirishga karatilgan "O‘quvchining ichki pozitsiyasini o‘rganish" metodikasi asosida aniqlangan.
boshlang‘ich sinf yoshidagi bolalarning maktabga moslashishida namoyon bo‘ladigan hissiy munosabatini aniqlash, moslasha olmaslik ko‘rsatkichlari: maktabga nisbatan salbiy munosabat; o‘qish va maktabga borishni istamaslik; sinfdoshlar yoki o‘qituvchi bilan ziddiyatli munosabatlar; “Maktab tashvishlarini o‘rganish” metodikasi natijalarini differensiallashtirish asosida aniqlashtirilgan;
boshlang‘ich sinf yoshidagi bolalarning maktabga moslashish ko‘nikmalari, xulqiy va hissiy kechinmalar, axborot qabul qilish va uzatish, tengdoshlari va kattalar bilan o‘zaro munosabatga kirishish, guruhiy ishlash normalariga amal qilish kognitiv, emotsional, motivatsion, xulq-atvor sohalariga ta’sir etish orqali shaxsga yo‘naltirilgan rivojlantiruvchi o‘yin texnologiyalari asosida shakllantirilgan.
Tadqiqotning nazariy-uslubiy asosi bo‘lib: Boshlang‘ich sinf yoshidagi bolalarni maktabga moslashtirish, bolaning ijtimoiylashuvi muamosi, ijtimoiy-pedagogik moslasha olmaslikni tadqiq qilishga bag‘ishlangan mahalliy hamda xorijiy olimlar L.I. Bojovich, L.A. Venger, A.L. Venger, L.S. Vigotskiyning ishlari xizmat qildi.
Tadqiqotning nazariy ahamiyati: Boshlang‘ich sinf yoshidagi bolalarning maktabga moslashish jarayonidagi psixologik-pedagogik muammolarini aniqlash bo‘yicha mavjud konsepsiyalarni umumlashtirishdan iboratdir.