Kirish (Dissertatsiya mavzusining dolzarbligi va zarurati)

Dissertatsiya tadqiqotining dissertatsiya bajarilgan oliy ta’lim va ilmiy-tadqiqot muassasasining ilmiy-tadqiqot ishlari rejalari bilan bog‘liqligi. Tadqiqot Toshkent davlat pedagogika universiteti ilmiy-tadqiqot ishlari rejasining ITD-1-62. «Nogiron bolalarni tarbiyalashda oila, bog‘cha, maktab va mahalla hamkorligini ta’minlashning ilmiy-metodik asoslari» nomli amaliy loyiha doirasida bajarilgan.
Tadqiqot maqsadi.
Eshitishida nuqsoni bo‘lgan bolalarga ixtisoslashtirilgan maktab-internatlar bitiruvchilarining kasbiy faoliyati hamda oilaviy xayotidagi muammolarni bartaraf etish ularning ijtimoiy moslashuv samaradorligini oshirishga xizmat qilishini ilmiy asoslash ishning maqsadini tashkil etadi.
Tadqiqot vazifalari:

• 
  eshitish qobiliyatini yo‘qotgan insonlar ijtimoiy moslashuvining ilmiy nazariy jihatlarini tahlil etish;
  
• 
  eshitishida nuqsoni bo‘lgan bolalarga ixtisoslashtirilgan maktab-internat bitiruvchilarining kasbiy faoliyatidagi muammolarning bugungi kundagi holatini o‘rganish;
  
• 
  eshitishida nuqsoni bo‘lgan bolalarga ixtisoslashtirilgan maktab-internat bitiruvchilarining oiaviy xayotidagi muammolarning bugungi kundagi holatini o‘rganish;
  
• 
  eshitishida nuqsoni bo‘lgan bolalarga ixtisoslashtirilgan maktab-internat o‘quvchilarini oilaviy hayotga tayyorlashning o‘ziga xos ijtimoiy pedagogik xususiyatlari o‘rganish.
  

Tadqiqot ob’ekti – eshitishida nuqsoni bo‘lgan bolalarga ixtisoslashtirilgan maktab-internatlarni 2011 – 2016 yillarda tamomlagan kar va zaif eshituvchilar.
Tadqiqot predmeti – eshitishida nuqsoni bo‘lgan bolalarga ixtisoslashtirilgan maktab-internatlar bitiruvchilarining ijtimoiy moslashuviga ta’sir etuvchi kasb-hunarga yo‘naltirish hamda oilaviy hayotga tayyorlash omillarini ifodalash jarayonidir.
Tadqiqot metodlari.
Kuzatish, suxbat, so‘rovnoma, eksperiment, eksperimentlarni baholash metodikasi, matematik statistik metodlar tadqiqot metodlarini tashkil etadi.