Jismoniy tayyorgarlik

2-mashq. 100 metrga yugurish mashqi.
Ushbu mashq stadionning yugurish yo‘lagi yoki qattiq qoplamaga ega tekis maydonda yuqori start holatidan bajariladi. Start olish tartibini o‘zlashtirish uchun dastlabki “Startga” va “Diqqat” komandalari hamda “OLG‘A” ijro komandasi beriladi. “Startga” komandasi berilganida start olish chizig‘iga kelib, kuchli oyoq start olish chizig‘i yaqiniga qo‘yilib, ikkinchi oyoq yarim qadam ortda qoldiriladi. “Diqqat” komandasi berilganida tana vazni oldinda turgan oyoqqa o‘tkazilib, gavda va bosh oldinga egiladi, qo‘l tirsaklari esa bukiladi. “OLG‘A” ijro komandasi berilganida yugurish amaliga kirishiladi.
100 metrga yugurish mashqi:
yuqori yoki quyi startdan amalga oshiriladi,
stadionning yugurish yo‘lakchasi yoki qattiq qoplamli tekis joylarda o‘tkaziladi.
100 metrga yugurish mashqi to‘rt bosqichli tizimda quyidagicha baholanadi:
14,2 soniya ichida bajarganda — «a’lo»;
14,3 dan 14,6 soniyagacha bajarganda — «yaxshi»;
14,7 dan 15,4 soniyagacha bajarganda — «qoniqarli»;
15,5 soniyada va undan ko‘p vaqtda bajarganda — «qoniqarsiz» deb baholanadi.

Nazorat savollari:

1. 
   Jismoniy tayyorgarlik deganda nimani tushunasiz?
   
2. 
   Jismoniy tayyorgarlikdan ko‘zlangan asosiy maqsad nima?
   
3. 
   Jismoniy sifatlarga nimalar kiradi?
   
4. 
   Qisqa masofalarga yugurishda qaysi mashqlar bajariladi?
   
5. 
   O‘rta masofalarga yugurishda qaysi mashqlar bajariladi?
   
6. 
   100 metrga yugurish mashqini bajarish tartibini aytib bering.
   
7. 
   Turnikka tortinish mashqini amaliy ko‘rsatib bering.
   
8. 
   Turnikda tortinish mashqi meyo‘rlarini aytib bering.
   
9. 
   100 metrga yugurish mashqi me’yorlarini aytib bering.
   

3-mavzu. Nazorat mashg‘uloti. 9-mashq me’yorlarini bajarish (turnikda tortilish). 2-mashq me’yorlarini bąjarish (100 metrga yugurish). 5-mashq me’yorlarini bajarish (3000 metrga yugurish).