Jismoniy tayyorgarlik

15-“a” mashq. 1-sonli erkin mashqlar kompleksi (1-rasm). Ushbu mashqlar
16 hisobda bajariladi.

Dastlabki holat
Bir
Ikki Uch

Qad rost tutib turiladi
“Bir” va “Ikki” hisoblarida oyoq uchiga ko‘tarilib, barmoqlari yarim bukilgan, kaftlari bir-biriga qaratilgan ikkala qo‘l asta oldinga so‘ng, yuqoriga ko‘tariladi. Ayni paytda nigoh yuqoriga qaratilib, tana cho‘ziladi.
“Uch” hisobida oyoq kaftlariga tushish barobarida, ikkala qo‘l kuch bilan bukilib, tanaga siqib olinadi. Yarim bukilgan barmoqlar elkaga qo‘yiladi. Nigoh to‘g‘riga qaratiladi.

To‘rt
Besh
Olti
Etti

“To‘rt” hisobida panjalari musht tugilgan ikkala qo‘l yuqoriga ko‘tarilib, rostlanadi. Tana ortga egilib, qo‘llar elka kengligida tutilgancha, nigoh yuqoriga qaratiladi.
“Besh” hisobida oyoq uchlari juft qilinib, panjalari erga to‘liq tiralgan tarzda o‘tiriladi. Qo‘l kaftlari songa qo‘yiladi. Tirsaklar ikki tomonga chiqariladi.
“Olti” hisobida qad rostlanib, panjalari musht tugilgan ikkala qo‘l yuqoriga ko‘tariladi va ikki tomon yozilgancha, ortga oxirigacha tortiladi. Oyoq uchlari bir-biridan ajratiladi.
“Etti” hisobida oyoq uchlari juft qilinib, panjalari erga to‘liq tiralgan tarzda o‘tiriladi. Qo‘l kaftlari songa qo‘yiladi. Tirsaklar ikki tomonga chiqariladi.

Sakkiz
“Sakkiz” hisobida yuqoriga keskin sakrab, oyoq elka kengligida ochilgancha, turiladi. Qo‘l biqinga qo‘yiladi.