Guliston davlat universiteti ishlab chiqarish texnologiyalari fakulteti oziq-ovqat texnologiyalari kafedrasi

1 ta butilka qopqog`i yopilib 40 kun qorong`i va quruq joyda saqlash uchun olib qo`yiladi. 40 kundan keyin bu butilka qayta tahlil qilish uchun ishlatiladi.
2 chi butilkadagi moy tahlil qilish uchun beriladi. Tahlilga berilgan butilkada yog`ni nomi, navi, kuni va tahlil uchun olingan namuna joyi, namunani olgan shaxslarning familiyasi va imzosi yozilgan yorliq bo`lishi kerak. Agar namuna boshqa joyga jo`natilayotgan bo`lsa, unda yuqoridagilarga yorliqqa bajaruvchining nomi va transport hujjatining raqami yoziladi.
Yog` va moylarni baklardan namunalarini olish uchun trubali namuna olgichlar ishlatiladi. Ularni ishlashi quyidagicha: uzunligi 2 m cha bo`lgan truba yog` yoki moyga botiriladi va pastki qismidagi qopqog`i yopilib tahlil trubaga yig`ib olinadi.
Bulardan tashqari vertikal appartlardan namunalar olish uchun avtomatik namuna olish uskunalari keng qo`llaniladi.
Qattiq yog`lardan namunalar olish(margarin, konditer yog`lari, kulinar yog`lari)Qattiq yog`larni ishlab chiqaruvchi korxonada uni sifatini nazorat qilish uchun ulardan tahlil uchun namunalar olinadi.
Olinadigan namunalar har 1 yoki 2 t mahsulotdan 1 pachka margarin yoki yog` miqdorida bo`ladi.
Bu namunalar agar margarin yoki yog` pachkalarda qadoqlangan bo`lganda olinadi. Agar margarin boshqacha (20 kg li korobkalarda) qadoqlangan bo`lsa unda har bir tonna mahsulotdan 200 gr cha namuna olinadi. Agar 6 t dan kam partiya bo`lsa, umumiy qilib 4 ta qadoqlangan miqdorida olinadi. Pachkalarga qadoqlangan margarin yoki qattiq yog`dan olinadigan namuna partiyasi 4 t dan oshiq bo`lganda, har 1 t uchun 1 pachka miqdorida, partiyasi 4 t dan kam bo`lganda 4 ta pachka miqdorida namuna olinadi. Margarin namunalari shchuplar yordamida olinadi. Shchupda olingan barcha namunalar bankaga solinadi va qopqog`i yopilib eritish uchun issiq suvga (40-50<sup>o</sup>S li) solib qo`yiladi. Agar olingan margarin yoki yog` namunasi 200 gr. dan oshib ketgan taqdirda ular laboratoriya aralashtirgichiga solinadi va u yerda yaxshilab aralashtirilib tahlil qilish uchun 200 g miqdorida ajratib olinadi. Olingan namunalarni saqlanish muddati sovitgichda harorat 0<sup>o</sup>dan 4<sup>o</sup> S gacha bo`lganda 5 kundan oshmasligi kerak.