Zoogigiyena va veterinariya sanitariyasi fanidan mustaqil ta‘lim mavzulari

Go’shtni qayta ishlash korxonalari va qushxonalarda dezinfeksiya tadbirlarini o’tkazishda ishlash qoidalari.
O’zbekiston Respublikasi Qishljq ba suv xo’jaligi vazirligi va O’zbekiston Respublikasi Sog’liqni Saqlash vazirligining 2006 yil 13 iyuldagi 6/1 va 5 sonli qarori bilan tasdiqlangan “Maxsus so’yish korxjnalari ba maydonlarida chorva mollarini so’yish bilan shug’ullanuvchi shaxslarga ruxsat guvohnomalari berish va ro’yxatga olish tartibi tog’risida”gi Nizomga ko’ra kushxonada quyidagi asosiy va yordamchi binolar bo’lishi shart: chorva hayvonlarini so’yishdan oldin ko’rikdan o’tkazish maydonchasi, so’yishga ruxsat berilgan chorva hayvonlarini saqlash maydonchasi (usti yopiq maydoncha), chorva hayvonlarini so’yish binosi, kasallikka gumon qilingan hayvonlarni saqlash uchun alohida bino, so’yilgan chorva hayvonlarini tanasini nimtalash binosi, sovutish va vaqtincha saqlash kamerasi, tuz saqlash binosi, muzlatilgan go’sht saqlash kamerasi, iartli ravishda isne’molga yaroqli go’shtlarni zararsizlantirish bnosi, uchak sexi, teri tuzlash sexi, rahbar, veterinariya vrachi kabineti, ishchi-xodimlar uchun xonalar, dush, hojatxona, qatqorinxona, go’ngxona, tozalash qurilmalari.

Go’shtni qayta ishlash korxonasining alohida sexlarida dezinfeksiya o’tkazishning o’ziga xos xususiyatlari bor.

So’yish va nimtalash sexida profilaktik dezinfeksiya har bir ish kunidan so’ng sex, yordamchi xonalar, yo’lak va binolarda o’tkaziladi. Dezinfeksiyadan oldin ob’ekt tozalanadi, sovuq va qaynoq suv yordamida yuviladi va dezinfeksiya eritmasi bilan ishlov beriladi.

Qonni qayta ishlash sexida yaxshilab avval sovuq, so’ngra issiq suvda yuviladi. So’ngra 1 % li o’yuvchi natriyning qaynoq eritmasi va xlorli ohak eritmasida dezinfeksiyalanadi.

Kolbasa sexi, tibbiy preparatlar, gematogen xonasi va davolash preparatlari sexlari avval tayor mahsulotlardan bo’shatilib soda, dezmol, demp va boshqa yuvish vositalarining eritmasi bilan yuviladi va so’ngra xlor preparatlari, vodorod peroksidi eritmasi yoki qaynoq ichimlik suvi bilan ishlov beriladi.

Util sexi, yog’ni qayta ishlash, ichak, terini oshlash sexlari soda, o’yuvchi natriy, o’yuvchi kaliy eritmalari bilan har kuni dezinfeksiya qilinadi. Shuningdek, haftada bir marta tarkibida 2 % faol xlor saqlovchi xlorli preparatlar eritmalari bilan dezinfeksiya o’tkaziladi.

Parranda go’shtini qayta ishlash korxonalarida dezifeksiyalash parrandalarni qabul qilish va go’shtga boqish, ozuqani qabul qilish va ozuqa tayyorlash, veterinariya–sanitariya o’tkazichi, dezinfeksiya–yuvish punktlarida o’tkaziladi.

Parrandalar gavdasini pat va parlardan tozalashda havoga juda ko’p miqdorda mikroorganizmlar ajraladi va go’sht hamda bino va jihozlarni zararlashi mumkin. Shu sababli havoni kuchli ventilyatsiyasi, bino va jihozlarni dezinfeksiyalsh va boshqa veterinariya–sanitariya tadbirlarini o’tkazish parrandalarni so’yish texnologik jarayonlarning majburiy shartlaridan sanaladi.

Dezinfeksiya o’tkazishda fizikaviy va kimyoviy usullardan foydalaniladi.

Fizikaviy vositalardan BUV – 15, BUV – 30, BUV – 60 –P va PRK – 2, PRK – 4, PRK – 5, PRK – 7 lampalari ishlatiladi.

Kimyoviy vositalaridan yuvish va dezinfeksiyalash vositalari qo’llaniladi.

Parrandalar so’yilgach har soatda par va patlardan tozalanadi va pol yuqori bosimli qaynoq suv bilan yuviladi. Oyiga bir marta xlor preparatlari, o’yuvchi natriy yoki formaldegid eritmalari bilan dezinfeksiy o’tkaziladi.

Sovutkichlarda mog’or zamburug’lariga qarshi kurashish uchun kimyoviy va fizikaviy dezinfeksiya vositalari ishlatiladi. Odatda sovutg’kichlarda profilaktika maqsadida yiliga ikki marta dezinfeksiya o’tkaziladi. Kameralarda mog’or zamburug’lari o’sganligi aniqlanganda majburiy dezinfeksiya o’tkaziladi. Dezinfeksiyalash uchun trixlorizatsiyanurovaya kislotasining 3% li eritmasi, oksidifenolyat natriy yoki gipoxlorit natriy eritmalari ishlatiladi. Fizikaviy vositalardan BUV – 30, BUV – 60 lampalari bilan ultrabinafsha nurlantirish yaxshi natija beradi.

Junxo’r (vetchinniy kojeed) qo’ng’iziga qarshi kurashda binoni xlorofos yoki boshqa teng kuchli vositalar bilan binoni yaxshilab changlantirish yo’li bilan ishlov berish orqali dezinfeksiya qilinadi. Oradan 14-15 kun otgandan so’ng takroriy ishlov beriladi.

Mahsulot va xom fshyoni qayta ishlash sexlarining devori, poli, stoli, ishlatiladigan uskuna va jihozlardan tampon va yuvma namunalar olinib odatdagi usullarda mikrobiologik tekshirishlar o’tkaziladi.