Ўзбекистон республикаси соғЛИҚни сақлаш вазирлиги тиббий таълим ривожлагтириш маркази тошкент тиббиёт академияси

5Дарс. Қон айлнишининг бузилишлари, тромбоэмболик касалликлар ва шок. Гиперемия ва шиш.
Мавзунинг руҳлантирувчи мақсади: мавзуни билиш умумий курсдаги бошқа мавзуларни (яллиғланиш, компенсатор ва адаптив жараёнлар, ўсмалар) ўзлаштиришда ёрдам беради, шунингдек, касалликлар патологик анатомиясини, айниқса, юрак-қон томир касалликлари, лейкозлар ва анемиялар, жигар ва буйраклар касалликлари, жигар, буйрак, ички секреция безлари ва таянч-ҳаракат тизими инфекцион патологияларини ўзлаштиришда зарур. Клиник фанларни ўзлаштириш ва шифокор амалиётида клиник-анатомик анализ учун мавзуни ўрганиш муҳим.
Ўзлаштиришнинг асосий мақсади: артериал ва веноз қони тўлақонлигининг, камқонлик, стаз, ҳар хил қон кетиш ва қуюлишларнинг омиллари, ривожланиш механизмлари ва функционал аҳамиятини ўрганиш, уларнинг макроскопик ва микроскопик расмлари асосида фарқлаш.
Дарснинг аниқ мақсадлари:
1. венозн қон тўлиқлигига таъриф бериш, турларини санаб ўтиш, ривожланишнинг механизмлари айтиш;
2. ҳар хил аъзолардаги веноз қон тўлақонлигнинг макро- ва микроскопик фарқланишини билиш;
3. ҳар хил аъзолардаги веноз қон тўлақонлигнинг аҳамияти ва оқибатларини тушунтира олиш;
4. стазга таъриф бериш, унинг омиллари, ривожланиш механизмлари ва вазифасининг аҳамиятини топиш;
5. қон кетишига таъриф бериш, унинг омиллари, ривожланиш механизмлари, турларини, организмдаги оқибатларини билиш;
6. қон қуюлишига таъриф бериш, унинг омиллари, ривожланиш механизмлари ва организмга аҳамиятини билиш;
7. камқонликга таъриф бериш, унинг турларини санаб ўтиш, морфологиясини таърифлаш ва оқибатларини санаб ўтиш;
8. шокга таъриф бериш, унинг турларини санаб ўтиш, морфологиясини таърифлаш ва оқибатларини санаб ўтиш.
Зарур билимлар даражаси: талаба анатомия ва гистология курсларидан қон-томир аъзоларининг тузилишини, физиология ва биохимия курсларидан – унинг вазифалари ва бошқарилиш механизмларини, умумий патологик анатомия курсидан дистрофиялар турларини билиши керак.