Yaponiya (XII asr oxiridan XVI asr oxirigachA) Tayanch ibora va atamalar

Feodal urushlarning qayta boshlanishi. Xodzyo boshqaruvining qulashi. 
Mo’g’ullarga qarshi urush mamlakatning notekis rivojlanayotganligini yana bir karra 
ko’rsatib qo’ydi. Mamlakatning rivojlangan va nisbatan kuchsiz taraqqiyot qilgan 
qismlari o’rtasidagi tafovut siyosiy kurashlarning boshlanishiga olib keldi. Bu 
keskinlik yana janubiy-g’arbiy feodallarning kuchayishi hamda hukmron Xodzyo 
xonadonining zaiflashuvi bilan tezlashib ketdi, chunki syogunlik provinsiyalardagi 
feodallar ustidan nazoratni qo’ldan boy berib qo’ygan edi. Hatto syogun hokimiyatini 
ag’darishga qaratilgan fitnalar amalga oshirila boshlandi. 

---

6 
Mavjud murakkab sharoitdan eks-imperator Godaygo o’z hokimiyatini qayta 
tiklashga intilib, Xodzyo xonadoniga dushman bo’lgan qudratli feodal xonadonlari 
bilan shu maqsad yo’lida mahfiy ittifoq tuzdi. Lekin tez orada bu mahfiy kelishuv fosh 
qilinib, Godaygo uzoq Iki oroliga surgun qilindi. 
Shunga qaramasdan Godaygoni qo’llab-quvvatlagan janubiy-g’arbiy feodallar 
Xodzyo qo’shinlariga bir qancha halokatli zarbalar berishga erishdi. Natijada 
imperatorlik hokimiyati qayta tiklandi. Bu davr tarixda ―Kemmu restavrasiyasi (qayta 
tiklanishi)‖ nomi bilan qoldi (Kemmu 1333-1335-yillarda hukmronlik qilgan 
imperatordir). 
Lekin Godaygo hokimiyatining tiklanishi ham uzoq davom etmadi. Bu safar 
imperator bilan Xodzyo xonadonining qulatilishini ta’minlagan qo’shin boshliqlari 
o’rtasida kelishmovchilik kelib chiqdi. Ilgari Xodzyoning asosiy harbiy 
qo’mondonlaridan biri bo’lgan Asikaga Takaudzi xiyonat yo’liga kirib, imperator 
tomoniga o’tib ketadi. Imperator bilan harbiy qo’mondonlar o’rtasida kelishmovchilik 
yuzaga kelganligidan u o’zining hokimiyatini o’rnatish yo’lida foydalanishga qaror 
qildi. Godaygo urushdan oldin feodallarga bergan va’dalarini – ularga yer va mansab 
berishni bajara olmadi. Uning ustiga uning buyrug’i bilan joriy qilingan yangi soliqlar 
va hyech bir ta’minotga ega bo’lmagan qog’oz pullarning Xodzyoga qarshi kurash 
kompaniyasi harajatlarini qoplash uchun chiqarilganligi ko’plab feodallarning 
noroziligiga sabab bo’ldi.
G’oliblar lageridagi o’zaro kelishmovchiliklardan xabar topgan Xodzyo revansh 
olishga urinib ko’rdi. Lekin Asikaga Takaudzi uni mag’lubiyatga uchratdi. Kiotoni 
egallab, o’zining qarorgohi sifatida Kamakurani tanladi va o’zini 1335-yilda syogun 
deb e’lon qildi. Shu davrdan boshlab Yaponiya tarixidagi ikkinchi – Asikaga 
syogunligi boshlandi (1335-1573). Asikaga Takaudzi syogunligining e’lon qilinishi 
bilan Minamoto Yoritomo davrida shakllantirilgan hukumat apparati qayta tiklandi, 
Nitta Yosisada mulklarini musodara qildi. Bu harakati bilan u Godaygo va uni qo’llab-

---

7 
quvvatlovchi butun janubiy-g’arbiy feodal xonadonlarga o’ziga xos urush uchun 
―chaqiriq‖ yubordi.