ЎҚув адабиёти овқатланиш гигиенаси фани бўйича ўҚув қЎлланма профессор Г. И. Шайхова таҳрири остида

Пархез овқатланишни тахминий давомийлиги

Кўрсатма	Пархез	Даволаниш давомийлиги, ой
Гипертония касаллиги 1-босқич	7, 10, 5	1-2
2-босқич	7, 10, 5	3-5
ЮИК	7, 10	2-3
Ревматизм	7, 10	7-8
Сурункали нефрит	7, 10
Қўзғалган нефритдан кейинги соғайиш даври	7, 10	2-3 3-4
Меьда ва 12 бармоқ ичак яра касаллиги	1, 5	(куз ва бахорда)
Сурункали гастрит ва дуоденит (қўзғалмаган давр)	1	1-2
Секрет етишмаслиги билан кечувчи сурункали гастрит	2	3-7
Меьда жаррохлик амалиётидан сўнг	2	3-7
Жигар ва ўт йўллар ксалликлари, холецистоэктомия синдроми	5	2-5
Сурункали колит (қўзғалмаган давр)	2	2-3
Семириш	8	8-11
Қандли диабет	9	9-11
Юқумлми гепатитдан сўнг соғайиш даври	5	2-3
Хомиладорлик ва кўкрак билан эмизиш	5	2-6
Ўсмирлик даври	5	3

Даволаш – профилактика муассасаларида пархез овқатланишни ташкил этишга қўйиладиган гигиеник талаблар
“Диета” сўзи Қадимги Юнонистонда “хаёт тарзи, овқатланиш тартиби” маьноларини берган бўлса, хозирга келиб бу сўз “касаллар учун тавсия этиладиган рацион ва овқатланиш тартиби” маьносида келади.
Хозирги кунга келиб диетология фани бемор ва соғлом кишиларнинг овқатланишини ўрганиш билан бир қаторда диетотерапияни ташкил этиш ва оқилона овқатланиш асосларини ишлаб чиқмоқда.
Хозирги кунда пархез овқатланиш нафақат комплекс даволашдаги самарали усул, балки касалликни олдини олувчи омиллардан биридир. 18 – аср охирларига келиб немис идеализми асосчиси Иммануил Кант шундай деган эди: “диететика – бу касалликдан сақланиш саньати”.
Диетотерапия тактикаси
Диетотерапия тактикасида “босқичма-босқич” ва “зигзаг” тизимлари мавжуд.
“Босқичма-босқич” тизим – бунда қатьий тартибда риоя қилинаётган пархезнинг меьёрий чегирмалари аста-секин бартараф этилади. “Тренировка” мезонига ўтишдан аввал албатта пархезни узоқ давом эттирилиши организм учун хавфли холатларга олиб келишини назарда тутиш зарур. Буни олдини олиш учун албатта касалликнинг клиник белгиларининг динамикаси, бузилган функционал механизмлар холати ва уларнинг оқибатларини хисобга олиш лозим. Бу тизим орқали патологик жараённи аста-секин йўқолиши муносабати билан пархез овқатланишдан одатий яьни рационал овқатланишга ўтиши таьминлайди.
“Зигзаг” тизими – бу пархез овқатланишдан одатий овқатланишга қисқа вақт давомида ўтиш билан ажралиб туради. Шу сабабли бу пархез қўлланиладиган кунларига мос холда контрастли пархез номини олган.
Контрастли пархез 2 хил кўринишда бўлади: юкламала (“плюс-зигзаг”) ва юкламасиз.
Юклама пархези тренировка меьзонига мос холда қўлланилади. Бундан ташқари юкламали пархезда “байрам кунлари” хам мавжуд. Юкламали пархезни даврий жорий этишда (1 мартасига 7-10 кун) функцияси сустлашган органлар фаолиятини кучайтиради. Бу пархезни қўллашдан мақсад организмга етишмайдиган моддалар билан таъминлаш, иштахани ошириш хисобланади.
Юкламали пархез юрак – қон томир касалликлари (гипертония , қон айланишини етишмаслиги, атеросклероз ва семириш билан боғлиқ ЮИК), семиришда, семириш билан боғлиқ қандли диабетда, ўткир ошқозон ва ичак касалликларининг даволашнинг илк кунларида, буйрак касалликлари (буйрак етишмаслиги билан характерланувчи ўткир нефрит), жигар ва ўт йўллари касалликлари (сурункали холецистит қўзғалиш даврида , ўт-тош касаллигида, жигар етишмовчилигида), подагра, буйрак-тош касалликларида яхши самара беради.
Юкламасиз пархез рациони таркибида мавжуд маҳсулотларга қараб қуйидаги гурухларга бўлинади: вегетарианча – фақат ўсимлик маҳсулотлари (мевалар, картошка, сабзавотлар, гуруч), сутли (сут, творог), шакарли, гўшт ва балиқли, суюқ (мева ва сабзавот шарбатлари). Юкламасиз пархез кимёвий таркиби ва энергетик қуввати жихатидан тўлақонли бўлмай, ушбу даврда бемор бироз очлик хиссини сезиши мумкин.