ЎҚув адабиёти овқатланиш гигиенаси фани бўйича ўҚув қЎлланма профессор Г. И. Шайхова таҳрири остида

Тайёр таомларни С витамини билан бойитиш. Барча даволаш – профилактика муассасаларида, санатория – профилакторияларда, пархез ошхоналарда тайёр овқатларни С витамини билан бойитиш қуйидаги хисобда амалга оширилади: болалар (6-12 ёш) – 50 мг, ўсмирлар (12-17 ёш) – 70 мг, катта ёшлилар – 80 мг, хомиладорлар – 100 мг, эмизиш даврида – 120 мг.
Тайёр таомларни С витамини билан бойитиш бевосита овқатларни тарқатишдан олдин амалга оширилади. Витаминлаштирилган овқатларни иситиш таьқиқланади. 1- овқатларни витаминлаштириш қуйидаги усулда амалга оширилади: хўрандаларни хисобга олган холда таомнинг 200-250 мл суюқ қисмида таблетка ёки кукун холатдаги аскорбин кислота эритилади, хосил бўлган эритма умумий қозондаги овқат билан аралаштирилади.
Марказлаштирилган овқатланиш тизимда С витамини билан бойитиш пархез овқатланиш бўйича маьсул хамшира томонидан бевосита таомни тарқатишдан олдин амалга оширилади, марказлашмаган овқатланиш тизимида эса бўлим бош хамшираси амалга оширади. Пархез овқатланиш бўйича тиббий хамшира хар куниамалга оширилган витаминлаштириш хақидаги маьлумотларни (ишлатилаган аскорбин кислота миқдори, витаминлаштирилган овқат номи) менью – раскладкага (ёки махсус журналга) қайд этиб боради.
Аскорбин кислота зич ёпилаган тараларда (қути), ёруғ, қуруқ ва салқин жойда сақланади.
Пархез овқатланиш муассасаларида санитар – гигиеник назорат олиб бориш.
Умумий мақсад – ўқиш, иш жойларида пархез овқатланишни ташкиллаштиришнинг асосий мезонларини ва ахоли яшаш жойларидаги пархез ошхоналарда санитар – гигиеник текширувни олиб боришни билиш.
Аниқ мақсадлар – билиш: 1) ишлаб чиқариш корхоналарида пархез овқатланиш бўйича жойлар билан таъминланганлигини меьёрий хужжатлар асосида хисоблашни; 2) иш жойида ходимларни пархез овқат билан таъминлш бўйича камчиликларни аниқлашни; 3) пархез ошхона ва бўлимларда санитар – гигиеник текширувларни олб боришни; 4) пархез овқатланиш шароитлари ва ташкиллаштирилганлиги устидан санитар – гигиеник текширув далолатномасини тузишни.