Ushbu kitobdan joy olgan hikoyalar

Bolalalringiz bir – biriga qanchalik mehr – oqibatli bo’lsa, ular shunchalik yuksalaveradi.

CHEGARASIZ ORZULAR

-Hammaga orzu qilish imkoni berilgan. Ammo ayrim narsalarni orzu qilishga o’zimizda jur’at, ishonch topa olmaymiz. Aslida, orzu chegara bilmasligi kerak. Shu bilan birga uni reallikka ko’chira olish ham muhim.

Xorijiy tashkilotlardan biriga hamkorlik taklifi bilan murajaat qilish tashabbusini bildirganimda ish boshqaruvchi yigit buni xomxayol, deb atadi. Vaholanki, bu orzu hammas, reja edi. Lekin yaqindagina o’qishni tugatgan yigitning keskin tarzda fikrimni rad etishi xotiralarimni uyg’otib yuborgandi.

Hozir oynavand binoning yettinchi qavatidagi ofisimda bundan o’n ikki yil avval farrosh bo’lib xizmat qilardim. Derazalarni yarqiratib yuvganimda, pollarning changini artganimda qalbim ham nurafshon tortib, orzu – umidlar bo’ylayyverardi. Garchi yosh turmushga chiqib, o’qish imkonidan mahrum bo’lgan bo’lsam ham, ko’nglimdagi umid so’nmagandi. Topilgan ishga shukr qilib, maoshimga qanoat etib ishlardim. Ikki yil ichida ko’p narsani o’rgandim. Chunki bizning binoda xususiy tdbirkorlar, tashkilotlar joylashgandi. Uchinchi yili esa tavakkal qilib uyda sex ochdim. Ikki yildan keyin uni kengaytirdim. Hozir esa ishlarim ancha yurushib, markazdagi oynavand binoda o’z ofisimga egaman. Maqsad esa aniq – xorij bozorlarini zabt etish.

-Juda katta qadam – ku bu! Shoshmay turganimiz maqul, - o’rinbosarim yana pessimist kayfiyatida so’zladi.

- Qo’rqmang, kichik – kichik qadamlar bilan shu yergacha yetib keldik, endi kattaroq adamlar tashlash payti keldi, - dedim unga qat’iyroq ohangda.

- Mayli, orzuga ayb yo’q, - u kuldi.

`- Yashang! Mana, uyg’ondingiz!