Ushbu kitobdan joy olgan hikoyalar

MEHR BEKATI

Sershovqin shahar, gavjum ko’chalar. Hamma o’z manziliga oshiqqan Chumolidek g’imirlayotgan olomon o’z tashvishi bilan ovora. Yo’lkaning bir chekkasida omonatgina o’tirgan 70 – 75 yoshlar atrofidagi otaxonning bukchayishidan ko’rinib turibdiki, sog’ligi yaxshi emas. Tiqilinch avtobus oynasidan qo’limdagi bolam bilan mehru e’tiborga muhtoj nuroniyni kuzatar ekanman, atrofdagilarning beparvoligidan bezovtalandim. Avtobusdan tushib, unga yordam bermoqchi ham bo’ldi, biroq… O’rta yoshlardagi ayol yonida to’xtaganini ko’rib, shashtimdan qaytdim. Nigohlarim voqealar rivojini kuzata boshladi. Umidlarim puchga chiqmadi: hojatbaror ayol qo’l telefonida kim bilandir gaplashgach, birpas o’tib ikki yosh yigit yetib kelib, otaxonni qo’ltiqlab olib ketdi. Buni ko’rib, qalbimni quvonch, xotirjamlik egalladi. Cholning sumkasini ko’tarib olgan ayolga va o’g’illariga havasim keldi, ularga g’oyibona tashakkur bildirdim.

OQQAND SOLINGAN SHO’RVA

Qobiljon bilan bir qishloqda tug’ilib, birgalikda katta bo’lgan, birga ko’cha changitgan eski qadrdon do’stlar edik.

O’rta maktabni bitirib, armiyaga borib kelganimizdan keyin ham bitta tashkilotda to nafaqaga chiqquncha birga ishladik. Yosh baytimiz Yangi yil yaqinlashib qolgan, bayramni hech kimsiz faqat ikkovimiz birga o’tkazamiz. Bir tovuq go’shtidan qovurma(tabaka) pishirib, maa qilaylik deb maslahatlashdik. Bir pasda 31-dekabr ham kelib qoldi. Qobiljonning xonadonida o’choqqa o’t qalab, qozon osdik. Tovuq go’shtini qozonga solib, qovurayotsak, anchagina otib olgan Xurram do’stimiz kirib keldi:

• 
  Nima qilyapsizlar?
  
• 
  Tabaka – dedik, uni xushlamay.
  
• 
  Kelinglar, uch to’rt cho’mich suv quyinglar “Mirovoy” sho’rva bo’ladi, - degan gapni besh – olti marta qaytardi.
  

Xunob bo’lib, suv quyishga majbur bo’ldik. Tabaka sho’rvaga aylanib ketdi. Uyga kirib, picha “otdik”.