Умурзоқов, А. Тошбоев

Бозор сегменти: тушунча ва омиллари. Маркетинг тизимида истеъмол талабини ўрганиш бозор сегментини татбиқ қилиш билан чамбарчас боғланган. Бозор сегменти – ягона бозорни эмас, балки алоҳида сегментлар йиғиндиси (истеъмолчилар гуруҳи, бозорда маҳсулотларни сотиш шахобчалари) доирасида маҳсулотларни сотишни тушунилади.
Бозор сегменти истеъмолчилар талабига кўра, бозор ва ишлаб чиқаришнинг бир -
бирига мос равишда ривож топишидир.
Агар бозор ҳажми кичик бўлса, табиийки, бўлиниш натижасида шундай кичик сегментлар пайдо бўладики, бозорга кириш учун сарф қилинган харажатлар ўзини оқламайди ва фойда ҳам келтирмайди.
Бозор сегменти концепцияси бозор стратегиясини қайта қуришни тақозо этади. Истеъмолчиларга хизмат кўрсатиш сиёсатидан харидорлар талабларини қондиришга ўтилади.
Ҳар бир товар ишлаб чиқарувчи ўз маҳсулотларини муваффақиятли ва қулай шароитда реализация қилиш учун ўзига жалб этувчи бозор сегментини топиши лозим. Бу ерда кетма-кет босқичлардан иборат уч маркетинг бўлиши мумкин. Оммавий маркетинг, табақалашган товар маркетинги ва мақсад маркетинги.
Оммавий маркетингга истеъмолчилар учун умумий бўлган ишлаб чиқариш, тақсимот ва рағбатлантириш характерлидир. Табақалашган товар маркетингида истеъмолчилар хилма
- хиллик яратиш мақсадида сифат кўрсаткичлари ва характеристикаси билан бир - биридан фарқ қиладиган, камида иккита, аксарият ҳолларда бир нечта маҳсулот турларини ишлаб чиқариш амалга оширилади.

5. Фермер хўжаликларида товар ва фонд биржаларидан фойдаланиш йўллари

Қишлоқ хўжалик товар биржаси – тижорат корхона бўлиб, улгуржи савдо, истеъмол ва ишлаб чиқаришга мўлжалланган товарларни эркин баҳода етказиб беради. Биржа ўз фаолиятини очиқ савдода, маълум жойда, биржа қоидасига мос равишда амалга оширади.
Биржа фаолияти қонуний, ташкилий ва иқтисодий асосда олиб борилади.
Қонуний жиҳати – биржа аъзолари биржа мулкининг эгаси бўлиб, қўйилган капитал маблағлар ва олинган даромадлар эгасидир.