Умурзоқов, А. Тошбоев

Давлат ва нодавлат корхоналарига маҳсулот сотиш ва уни

такомиллаштириш
Фермер хўжаликлари ўзлари етиштирган чорвачилик, сабзавотчилик, боғдорчилик ва узумчилик маҳсулотларидан ўз хоҳишича фойдаланмоқда.
Давлат буюртмаси фақат пахта ва донгагина сақланиб қолган бўлиб, унинг миқдорлари 1995 йилда пахта ва дон бўйича 30 фоизгача қисқартирилди³.
Пахта хом ашёсини тайёрлаш, уни қайта ишлаб, толасини сотиш марказлаштирилган ҳолда «Ўзпахтасаноат» уюшмаси ва унинг ҳудудий акциядорлик бирлашмалари орқали амалга оширилмоқда. Давлат буюртмасини бажарган хўжаликлар ихтиёрида ҳосилнинг 70 фоизи қолади. Пахта етиштирувчилар бу пахтани эркин сота олмайдилар, унинг харидори
«Пахтасаноат» уюшмасининг ҳудудий акционерлик бирлашмаларидир. Пахта етиштириш режасини бажарган хўжаликларга завод ишлаб чиқариш нархларида ёғ, шелуха ва кунжара сотилмоқда. Пахта хом-ашёсини етиштириш режасини бажармаганларга бу маҳсулотлар берилмайди. Давлат буюртмасидан ортиқча пахта етиштирган (давлат буюртмалари нархидан юқори нархларда) хўжаликлар «Пахтасаноат» ҳудудий бирлашмаларига пахтани шартнома баҳосида сотади. Чунки республикада пахта давлат монополияси бўлиб, унинг эркин бозори шаклланмаган, шу боис буюртмадан ортиқча пахта хом ашёсини эркин сота олмайдилар. Фермер ишловчиларга иш ҳақини пул ва натура (ёғ, шелуха ва кунжара каби маҳсулотлар)да тўлайди.
Пахта хом ашёсини тайёрлаш тизимида ички бозорни эркинлаштириш зарур. Чунки фермер ўзлари етиштирган пахта хисобига шелуха, кунжара, ёғ ва чигитни қайта ишлаш заводидан сотиб олмоқдалар. Тайёрлов ташкилотларига фермернинг маҳсулоти керак бўлса, чигитни қайта ишлаш харажатлари (ҳамда уларнинг фойдалари)ни тўлашлари керак. Ёғ заводлари ёғ (шелуха, кунжара) нархидан, чигитнинг нархини чегириб ташлаган ҳолда, ҳисоб-китоб қилишлари лозим.
Шундай қилиб, фермер хўжаликлари давлат буюртмасидан ортиқча пахта хом ашёсини эркин баҳода сотиш орқали ўз фаолиятини интеграциялаштиради.

4. Фермер хўжалигида маркетинг хизматини ташкил этиш

Фермер хўжалигининг ишлаб чиқариш самарадорлигига таъсир этувчи омиллар икки гуруҳга: ишлаб чиқариш ва бозор муносабатларига бўлинади. Ишлаб чиқариш омилларига ер, сув, меҳнат ресурслари, асосий ва айланма воситалардан фойдаланишнинг самарадорлигини ошириш ва ишлаб чиқариш харажатларини камайтириш каби омиллар киради.