Topografik anatomiya o‘zbekiston Respublikasi Oliy va o‘rta maxsus ta’lim vazirligi N. H. Shomirzayev

Oshiq-boldir bo‘g‘imi orqa sohasi, regio art.talocruralis posterior
Bu soha ikkala to‘piqlar orasida va ularning orqasida joylashgan sohani
o‘z ichiga oladi.

---

86
Terisi qalin bo‘lib, unda ko‘ndalangiga yo‘nalgan bir qancha burmalar ko‘rinib
turadi. Teri osti kletchatkasida, hususiy fassiyaning yuzasida tovon arteriya to‘ri
(rete calcaneum) joylashadi. Uni orqa katta boldir, kichik boldir arteriyalari hamda
medial va lateral oyoq kafti arteriyalaridan chiquvchi tovon shoxlari (rr.calcanei
aa.tibialis posterior, peronea, plantares medialis et lateralis) hosil qiladi.
Xususiy fassiya axill payiga g‘ilof hosil qiladi. Axill payi tovon do‘mbog‘iga
yopishgan bo‘lib, shu joyda, payning ichki yuzasi bilan tovon suyagining orqa yuza-
si oralig‘ida tovon sinovial xaltasi (bursa tendinis calcanei) joylashadi.
Tashqi to‘piq sohasi, regio malleolaris lateralis
Terisi harakatchan, teri ostida, to‘piqning orqasida sonning kichik teri osti
venasi bilan birga boldirning teri nervi (n.suralis) yotadi. Xususiy fassiya qalin-
lashib 2 ta: yuqori va pastki kichik boldir muskullarini ushlab turgichlar (retinac-
uli mm.peroneorum (fibularium) superius et inferius)ni hosil qiladi.
Tashqi to‘piq, tovon suyagi va bo‘g‘im xaltasi bilan xususiy fassiya orasida
tashqi to‘piq kanali joylashadi. Kanal orqali uzun va kalta kichik boldir muskul-
larining paylari sinovial qinlari bilan, ulardan orqada kichik boldir arteriyasi o‘tadi
va tarmoqlanadi. Yuqorigi ushlab turgich ostida uzun va kalta kichik boldir mus-
kullarining paylari bitta umumiy sinovial g‘ilofda joylashgan bo‘lsa, pastki ush-
lab turgich ostida esa uzun kichik boldir muskuli kalta muskuldan orqaroqda joy-
lashadi va paylarning har qaysisi o‘z sinovial g‘ilofiga ega bo‘ladi.