Topografik anatomiya o‘zbekiston Respublikasi Oliy va o‘rta maxsus ta’lim vazirligi N. H. Shomirzayev

Ichki to‘piq sohasi, regio malleolaris medialis
Bu soha terisi nozik va kam harakatchandir. Xususiy fassiyaning qalinlashi-
shi natijasida bukuvchi muskullarning ushlab turgichi (retinaculum mm.flexorum)
hosil bo‘ladi. Ichki to‘piq bilan tovon suyagining ichki yuzasi orasidagi egatsi-
mon chuqurlikni hususiy fastsiya qoplashi natijasida ichki to‘piq kanali (canalis
malleolaris medialis) yuzaga keladi. Fibroz to‘siqlar orqali bu kanal bir nechta
suyak-fibroz kanallariga bo‘linadi (62-rasm). Oldingi kanalda orqa katta boldir
muskulining payi sinovial qini (vagina sinovialis t.m.tibialis posterior) bilan, un-
dan orqadagi kanalda oyoq barmoqlarini bukuvchi uzun muskul payining sinovial
qini (vag.sinovialis t.m.flexor digitorum longis), oshiq suyagining tayanchi (sus-
tentaculum tali)ning orqasidagi kanalda bosh barmoqni bukuvchi uzun muskul
payining sinovial qini (vag.sinovialis t.m.flexor hallucis longi) o‘tadi. O‘rta va
orqa fibroz kanallar orasida, nisbatan yuzada orqa katta boldir arteriyasi va ve-
nalari hamda katta boldir nervidan iborat bo‘lgan tomir-nerv tutamining g‘ilofi
joylashib nerv tomirlardan orqaroqda yotadi. Ushbu tomir-nerv tutami va barcha
bukuvchi muskullarning paylari ichki to‘piq kanalidan chiqib, uning bevosita
davomi bo‘lgan tovon kanali (canalis calcaneus)ga o‘tadi. Tovon kanaliga o‘tishda
orqa katta boldir arteriyasi tovon arteriya to‘riga boruvchi tovon arteriyasini
(rr.calcanei) beradi.
Tovon kanalini ichkarida bosh barmoqni uzoqlashtiruvchi muskul
(m.abductor hallucis), tashqarida tovon suyagi (os calcaneus) chegaralaydi. Bu
kanal oyoq kaftining o‘rta o‘rindig‘idagi, aniqrog‘i, uning proksimal qismidagi
oyoq kafti kanaliga davom etadi.

---

87
Ichki to‘piq kanalidan chiqishda boldir nervi lateral va medial oyoq kafti
nervlari (nn.plantares lateralis et medialis)ga ajraladi. Undan biroz pastroqda orqa
katta boldir arteriyasi ham lateral va medial oyoq kafti arteriyalari (aa.plantaris
lateralis et medialis)ga bo‘linadi.