Topografik anatomiya o‘zbekiston Respublikasi Oliy va o‘rta maxsus ta’lim vazirligi N. H. Shomirzayev

Oshiq-boldir bo‘g‘imi, articulatio talocruralis
Oshiq-boldir bo‘g‘imi katta boldir suyagining pastki bo‘g‘im yuzasi (facies
articularis inferior tibiae) bilan oshiq suyagi g‘altagining yuqorigi bo‘g‘im yuza-
si, facies superior tali hamda ichki va tashqi to‘piqlarning bo‘g‘im yuzalari (fa-
cies articularis malleoles lateralis et medialis) bilan oshiq suyagi g‘altagining
yon bo‘g‘im yuzalari (facies malleoles lateralis et facies malleoles medialis) hiso-
biga hosil bo‘ladi. Uning bo‘g‘im bo‘shlig‘i o‘ziga xos Ï shakliga ega.
Bo‘g‘im xaltasi bo‘g‘imni hosil qiluvchi suyaklarning tog‘ay yuzalarining chet-
lariga birikadi. Bo‘g‘imni ikki yon tomondan boylamlar mustahkamlaydi: ichki to-
monda deltasimon boylam (lig.deltoideum) bo‘lib, u medial to‘piqdan boshlanadi
va yelpig‘ich shaklida kengayib, qayiqsimon (os naviculare), oshiq (os talus) va
tovon (os calcaneus) suyaklarining ichki yuzasiga birikadi. Tashqi tomonda 3 ta:
oldingi va orqa oshiq-kichik boldir (ligg.talofibulares anterius et posterius) hamda
tovon-kichik boldir (lig.calcaneofibulare) boylamlari bo‘lib, ular oshiq va tovon
suyaklaridan boshlanadi va tashqi to‘piqqa yopishadi. Bo‘g‘imning oldingi va orqa
yuzalarida boylamlar bo‘lmaganidan, ular bo‘g‘imning zaif joylari hisoblanadi.
Bo‘g‘im xaltasining ustida oldingi tomonda oyoq panjasini yozuvchi muskullarn-
ing paylari, orqa-medial tomonda katta barmoqni bukuvchi uzun muskul payi
yotadi.
Bo‘g‘im yorig‘ining aks-tasvir chizig‘i oldinda ikkala to‘piq asosi orqali
o‘tkazilgan chiziqqa mos keladi.
Oshiq-boldir bo‘g‘imini tovon, tashqi va ichki arteriya to‘rlari (rete calca-
neus, rete malleolaris lateralis et rete malleolaris medialis), qon bilan ta’minlaydi;
boldir nervi (n.suralis), teri osti nervi (n.saphenus) va chuqur kichik boldir nerv-
lari innervatsiyalaydi.