Statistika” fanidan Oʻquv-uslubiy majmua

1. Mustaqil ishlash uchun savollar.

5. 
   Statistika to‘g‘risida umumiy tushuncha.
   
6. 
   Statistika fani predmeti va uning o‘ziga xos xususiyatlari.
   
7. 
   Statistika fani asosiy kategoriyalari va tushunchalari.
   
8. 
   Statistika fani uslubiyati.
   
9. 
   Bozor iqtisodiyoti sharoitida statistikaning tutgan o‘rni va ahamiyati.
   

2 - Mavzu. Statistik kuzatish uslubiyati.
1. Qisqacha metodik ko‘rsatmalar.
Statistik kuzatish – statistik izlanishning birinchi bosqichi. Statistik kuzatish jarayonida o‘rganilishi lozim bo‘lgan to‘plam to‘g‘risida zarur ma’lumotlar to‘planadi. Demak, statistik kuzatish deganda o‘rganilishi lozim bo‘lgan ommaviy ijtimoiy - iktisodiy hodisa va jarayonlarni taxlil qilish uchun ular to‘grisida birlamchi ma’lumotlarni rejalashtirilgan, ilmiy asoslangan usullar yordamida muntazam ravishda to‘plash, yig‘ish jarayoni tushuniladi.
Statistik kuzatish ikki shaklda olib boriladi - hisobot va maxsus uyushtirilgan tekshirishlar.
Statistik kuzatish aniq reja asosida olib boriladi. Kuzatish rejasi dasturiy va tashkiliy masalalarni o‘z tarkibiga oladi. Kuzatish rejasidagi eng asosiy masala - kuzatish dasturi. Uni tuzishda izlanishning maqsad va vazifalari e’tiborga olinishi lozim. Kuzatish dasturi: kuzatsh ob’ektini, birligini, belgilar va savollar ketma-ketligini aniqlab beradi.
Kuzatishning tashkiliy masalalariga kuzatish birligini aniqlash, kuzatish vaqtini, muddatini, shaklini va turlarini aniqlash, ma’lumotlarni qayd etish usullari kiradi.
Kuzatish natijasida olingan ma’lumotlar aniq va xaqqoniy bo‘lishi kerak. Shu sababli birlamchi ma’lumot unga ishlov berishdan oldin arifmetik va mantiqiy nazoratdan o‘tkaziladi.


3. Masalalar.
2.1 - Masala. Oliy o‘quv yurti talabalarining o‘zlashtirishini o‘rganish maqsadida:
1) sirtqi bo‘lim 1 – kurs talabalarining qishgi imtihon sessiyasi natijalari bo‘yicha;
2) sirtqi bo‘lim 2 - kurs talabalarining mustaqil tayyorgarlikka sarflagan vaqtlarini;
3)kunduzgi bo‘lim 2 - kurs talabalarining qishgi imtihon sessiyasi natijalari bo‘yicha kuzatish ob’ektini, to‘plam birligini aniqlang va kuzatish dasturini tuzing.
2.2 - Masala. Davlat imtixonlari natijalari kunduzgi va sirtqi bo‘lim talabalarining joriy o‘zlashtirishi o‘rtasidagi bog‘lanishni o‘rganish maqsadida kuzatish ob’ektini, birligini aniklang, kuzatish dasturini tuzing.
2.3 - Masala. Sanoat korxonasini, fermerlik xo‘jaligini, savdo korxonasini, oilani hamda alohida shaxsni to‘plam birligi sifatida ifodalovchi muhim savollar ro‘yxatini aniklang.