Самиғов н. А. Бино

Цемент тоши коррозияси

Цемент тоши В.Н.Юнг моделига кўра микробетон ҳолатида бўлиб, гелли ва кристалли цемент гидратацияси маҳсулотларидан ва кўпгина клинкернинг гидратацияланмаган қисмларидан иборат бўлади. Цемент гидратациясининг асосий ҳосиласи сифатида субмикрокристалл ҳолатидаги калций гидросиликати заррачаларини кўриш мумкин. Гелсимон массанинг бўлиши цементнинг ҳавода қотишида киришишига, сувда сақланишида шишишига ва боғловчи асосида тайѐрланган буюм ва конструкцияларнинг ўзгаришига олиб келади.
Цемент тоши коррозиясига унга таъсир этиши эҳтимоли бўлган ўнлаб суюқ ва газ моддалар сабабчидир. Бу агрессив муҳитлар цемент тоши таркибидаги энг актив бўлган Са(ОН)₂ ва 3CaO^.Al₂O₃^.6H₂O реакцияларига киришиб янги моддалар цемент тоши ташкил этувчиларини ажратиши ва ювиши, осон эрийдиган ѐки юмшоқ тузларни ҳосил қилиши, микроғовакларда кристалланиб ички зўриқишларни ҳосил қилиши мумкин.
Коррозиянинг биринчи тури. Бу коррозия ишқорнинг ювилиши билан боғлиқдир ва асосан юмшоқ сувлар филтрланишида ҳосил бўлади. СаО концентрацияси 1,1 гл дан камайса, калцийли гидросиликат ва гидроалюминат парчалана бошлайди. Са(ОН)₂ 15-30% миқдорида ювилиши цемент тоши мустаҳкамлигининг 40-50% камайишига олиб келади. Бу турдаги коррозияни огоҳлантириш учун клинкер таркибида уч калцийли силикатни 50% гача чегаралаш зарур. Бундан ташқари актив минерал қўшимчалар киритиш ва зич бетон тайѐрлаш ҳам биринчи турдаги коррозияни секинлаштиради.
Коррозиянинг иккинчи тури. Бу турдаги коррозияни кимѐвий коррозия деб аташ мумкин. Бир ҳолатда СаСО₃ нинг эркин СО₂ билан бирикиши натижасида калций бикарбонатнинг ҳосил бўлиши углекислотали коррозияни келтириб чиқаради:


СаСО₃+(СО₂)_эркин+Н₂О=Са(НСО₃)₂.
Саноат ва қишлоқ хўжалиги оқава сувлари, минерал ўғит эритмалари, олтингугурт газидан ҳосил бўладиган кислоталар, хлорид кислоталар ва уларнинг қолдиқлари цемент тошига таъсир этиб уни бузади:


Са(ОН)₂+2НCl=CaCl₂+2H₂O; Ca(OH)₂+H₂SO₄=CaSO₄^.2H₂O.

Бунда осон эрийдиган СаСl₂ тузи ва ҳажмий кенгаядиган СаSO ^.2H O

4 2
ҳосил бўлади.
Магнезиал коррозия қуйидаги кўринишда бўлади:


Са(ОН)₂+MgCl₂=CaCl₂+Mg(OH)₂; Ca(OH)₂+MgSO₄+2H₂O=CaSO₄^.2H₂O+Mg(OH)₂.

Бу реакциялар натижасида осон эрийдиган тузлар ҳосил бўлади ва цемент тошида осонликча ювилиб кетади.

Минерал ўғитлар ичида цемент тоши учун хавфлиси аммиакли селитра ва аммоний сулфатдир. Аммиакли селитра асосини ташкил этувчи аммоний нитрати NH₄NO₃ гидролиз натижасида кислота ҳосил қилади ва Са(ОН)₂ билан реакцияга киришади:


Са(ОН)₂+2NH₄NO₃+2H₂O=Ca(NO₃)₂^.4H₂O+2NO₃.

Калцийли нитрат сувда яхши эрийди ва цемент тошидан осон ювилади.

Фосфорли ўғитлар ичида суперфосфат цемент тоши учун хавфли саналади, чунки у асосан фосфат монокалцитдан Са(Н₂РО₄)₂ ва гипсдан иборатдир ва бундан ташқари эркин фосфор кислотаси ҳам бўлиши мумкин.
Органик кислоталар ҳам цемент тошини коррозияга учратади. Айниқса сирка, сут ва вино кислоталари, тўйинган ва тўйинмаган ѐғли кислоталар (олеин, стеарин, палмитин ва ш.к.) цемент тошини шиддат билан емиради.
Бундан ташқари ѐғли кислота қолдиқлари бўлган зиғир, пахта ва балиқ мойлари ҳам цемент тошини коррозияга учратади. Нефт кислотаси ва олтингугурт қолдиқлари (керосин, бензин, мазут ва х.к.) ҳам цемент тоши учун хавфлидир.