Самиғов н. А. Бино

Қотиш жараѐни. Цемент сув билан аралаштирилганда майин елимсимон модда ҳосил бўлади ва аста-секин қуюқлашиб қота бошлайди. Цементнинг қуюқланиш даври 5-10 соат давом этади, сўнг кристалланиш даври бошланади. Цемент гидроминералларининг кристалланиш жараѐни муайян шароитда йиллаб давом этади. Цемент гидратацияси мураккаб кимѐвий ва физик-кимѐвий жараѐнларни ўз ичига олади. Цемент клинкерининг ҳар бир минерали сув билан бирикиб гидроминералларни ҳосил қилади.
Гидратация жараѐнининг бошланиш босқичида алит сув билан реакцияга киришиши натижасида калцийли гидросиликат ва гидрооксид ҳосил бўлади:


2(3CaO^.SiO₂)6H₂O3CaO^.2SiO₂^.3H₂O3Ca(OH)₂.

Белит сув билан аста-секин реакцияга киришиб, қуйидаги гидроминерални ҳосил қилади:

2(2СаО^.SiO₂) 4H₂O3CaO^.2SiO₂^.3H₂OCa(OH)₂.

Уч калцийли алюминатни сув билан реакцияси қуйидагичадир:

3СаО^.Al₂O₃6H₂O3CaO^.Al₂O₃^.6H₂O.

Цементнинг қотишини секинлаштириш учун 3-5% (цемент массасига нисбатан) миқдорида табиий гипс клинкер туйилаѐтган вақтда киритилади. Калций сулфати уч калцийли алюминат билан сув иштирокида бирикиб калций гидросулфоалюминати (эттрингит минерали) ни ҳосил қилади:

3СаО^.Al₂O₃3(СаSО₄^.2H₂O)26H₂O3CaO^.Al₂O₃^.3СаSО₄^.32H₂O.

Са(ОН)₂ га тўйинган қоришмада эттрингит коллоид эритма холатида 3СаО^.Al₂O₃ юзасини қоплайди, натижада гидратация жараѐнини –

цементнинг қотишини секинлаштиради. Эттрингит минерали ҳосил бўлиши цемент тошининг бошланғич мустаҳкамлигини ошишига шароит яратади.
Тўрткалцийли алюмоферрит сув билан бирикиб гидроалюминат ва гидроферрит ҳосил қилади:



3
4СаО^.Al₂O₃^.Fe₂O₃mH₂O3CaO^.Al₂O ^.6H₂OCaO^.Fe₂O₃^.nH₂O.

Ҳосил бўлган гидроферрит цемент гели таркибини ташкил этади.