Самиғов н. А. Бино

Клинкерни майдалаш. Цемент клинкерини майдалаб туйиш қувурсимон шарли тегирмонларда амалга оширилади. Шарли тегирмон ички
томондан мустаҳкам зирхли пўлат билан қопланган бўлиб, 2-4 бўлмадан иборат. Катта тегирмонларнинг ўлчамлари 3,95х11 м ѐки 4,6х16, 4м бўлиб, соатига 100 ва 135 тонна клинкерни майдалайди. Тегирмонда клинкерни майдалаш шар ѐки цилиндрчаларнинг тегирмон ичида маълум масофага кўтарилиб тушишига ва думалашига асосланган. Клинкерни пўлат шарлар йирикроқ цилиндрчалар эса майдароқ туюшга мўлжалланган. Бу тегирмонлар тўхтовсиз ишлашга мўлжалланган бўлиб, клинкер бир томондан ичи бўш вал (цапфа) орқали тегирмон ичига киритилади ва иккинчи томондан туйилган цемент чиқариб олинади.
Туйилган цемент махсус насослар ѐрдамида силосларга юборилади.
Ёпиқ циклда ишлайдиган тегирмонларда етарли даражада туйилмаган цемент зарралари марказдан қочувчи принципда ишлайдиган сепараторларда ушлаб қолиниб қайтадан тегирмонга юборилади. Бу усулда цементни 4000- 5000 см²г солиштирма юзагача майдалаш мумкин. Ёпиқ цикл усули тез, ўта тез қотувчан ва махсус цемент турларини олишда ишлатилади.
Портландцемент ишлаб чиқариш технологияси 5.6 расмда берилган.



Ҳўл усул: Қуруқ усул:

5.6-расм. Портландцемент ишлаб чиқариш схемаси

1-гилтупроқ ва оҳактош карердан келади; 2-хомашѐни тайѐрлаш; 3-дозатор; 4-айланма хумдон; 5-ѐқилғи узатиш; 6-клинкерни узатиш; 7-клинкер омборхонаси; 8-гипсни майдалаш ва дозировкалаш; 9-гипс омборхонаси; 10- клинкерни (гипсни) майдалайдиган қувурсимон тегирмон; 11-пневматик насос; 12-компрессор; 13-цемент омборхонаси (силослар); 14-цементни қоплаш.
Цемент клинкери майдаланаѐтганда тегирмонга 3,5% гача гипс ва 15% атрофида гидравлик қўшимчалар киритилади. Тайѐрланган цемент темирбетон силосларда совигунча ва эркин калций оксиди сўнгунча сақланади ва истеъмолчиларга юборилади. Силослар диаметри 8-15м, баландлиги 25-30м, сиғими эса 4000-10000 т гача бўлади.
Цемент қоғоз ѐки полиэтилен қопларга жойлаштирилади (50 кг гача) ѐки цемент ташувчи вагонларда ѐки автомобилларда ташилади.