Мавзу: Нуклеозидлар. Нуклеотидлар. Нуклеин кислоталарнинг умумий таърифи, тузилиши ва турланиши

Мавзу: Нуклеозидлар. Нуклеотидлар.


Нуклеин кислоталарнинг умумий таърифи, тузилиши ва турланиши
Нуклеин кислоталар одам организмида жуда мухим ўринни эгаллайди. Уларнинг ҳосил бўлиши реакцияларини ўрганмасдан туриб, вазифалари ҳақида фикр юритиш жуда қийин.
Нуклеин кислоталар ирсий белгиларни наслдан наслга ўтказишда ва оқсил биосинтезини бошқарувида асосий вазифани бажаради. Нуклеин кислоталар – юқоримолекуляр бирикмалар бўлиб, уларнинг молекуляр массаси 25 мингдан 1 миллионгача бўлади. Уларнинг полимер занжирлари нуклеотидлардан тузилган бўлади, шунинг учун уларни полинуклеотидлар дейишади. Нуклеотидлар ўз таркибида уч турдаги бирикмани тутади: гетерохалқали асос, карбонсувлар қолдиғи (рибоза ва дезоксирибоза) ва фосфат кислота қолдиғини.
D – рибоза қолдиғини тутган нуклеин кислоталар рибонуклеин кислоталар (РНК), 2-дезокси -D – рибозани тутганлари дезоксирибонуклеин кислоталар (ДНК) дейилади.


Пиримидин ва пурин хосилаларининг тузилиши, лактам-лактим таутомерияси
Нуклеин кислоталар кимёсида, уларнинг таркибига кирувчи гетерохалқали пиримидин ва пурин хосилалари нуклеин асослар дейилади. Бу урацил, тимин ва цитозин, ҳамда аденин ва гуаниндир.


Маълумки гетерохалқали бирикмаларнинг амино- ва гидрокси хосилаларида лактим-лактам ва амино-имин таутомерия кузатилади. Лекин физиологик шароитда нуклеин асослар фақат лактам ва аминли шаклларида мавжуд бўлади. Шу шаклидагина бу моддалар ўз ароматиклиги ва у билан боғлиқ бўлган термодинамик турғунлигини сақлаб қолади.

Урацил молекуласида лактам-лактим таутомерия

Пурин хосилаларида лактам-лактим таутомериядан ташқари прототроп таутомерия ҳам кузатилади. Нуклеозидлар хосил бўлишида айнан водороди 9-чи азот атомида бўлган таутомери қатнашади.





Нуклеин асослар, уларнинг антиметаболитлари,