Мавзу: Нуклеозидлар. Нуклеотидлар. Нуклеин кислоталарнинг умумий таърифи, тузилиши ва турланиши

минор асослар орасидаги фарқлиликлар
Нуклеин кислоталар бир биридан, таркибига кирувчи гетерохалқали асослари билан ҳам фарқ қилади: урацил фақат РНК таркибига, тимин эса фақат ДНК таркибига киради. Қолган учтаси: цитозин, аденин ва гуанин ҳам РНК, ҳам ДНК таркибига киради. Бу нуклеин асослардан ташқари жуда оз миқдорда бошқа гетерохалқали асослар ҳам кириши мумкин. Улар минор асослар дейилади ва улар қаторига киради: гопоксантин, 5-метилцитозин, 6-N-метиладенин, 1-N-метилгуанин, дигироурацил ва бошқалар.






Тузилиши бўйича нуклеин асосларга ўхшайдиган, аммо таркиби билан озгина фарқ қиладиган синтетик моддалар мавжуд бўлиб, улар нуклеин асосларга антиметаболитлик қилади, шунинг учун улар баъзи бир ўсимта касалликларини даволашда қўлланади.
Улар қаторига 5-Фторурацил, 6-Меркаптопурин, кордицепин, пуромицин, азидотимидинлар киради.
Нуклеозидлар ва нуклеотидлар
Карбонсувлардан рибоза ва дезоксирибоза бир биридан 2-чи углерод атомида гидроксид гурухи бор ёки йўқлиги билан фарқ қилади.
Нуклеин кислоталар таркибига уларнинг фақат - шакли киради ва гетерохалқали асос билан кислотали мухитда гидролизланадиган -N-гликозидли боғ хосил қилади. Нуклеин кислоталар кимёсида бундай N-гликозидлар нуклеозид деб номланади. D –рибоза ва 2-дезокси-D-рибоза табиий нуклеозидлар таркибига фураноза шаклида киради.
Гликозид боғ ҳосил бўлишида рибозанинг С-1 углероди, пиримидин асосининг N-1 атоми, пурин асосининг N-9 атоми иштирок этади.

Табиий нуклеозидлар доимо -аномер шаклида бўлади. Нуклеозидларни номлашда пиримидинли нуклеозидлар номига –идин қўшимчаси, пуринли нуклеозидларга эса –озин қўшимчаси қўшилади. Масалан: цитидин ва дезоксицитидин, аденозин ва дезоксиаденозин. Фақат ДНК таркибидаги тиминнинг нуклеозидида олидига дезокси- қўшимчаси ишлатилмайди.
Гликозид бўлганлиги учун нуклеозидлар кислотали мухитдагина гидролизланади. Пуринлилари пиримидинли нуклеозидлардан осонроқ гидролизланади. Нуклеозидлар фазода икки ҳил конформацияга эга бўлиши мумкин: син- ва анти- конформация. ДНК ва РНК макромолекулаларида улар фақат анти-конформацияда бўлади.
Нуклеозидларнинг фосфатлари нуклеотидлар дейилади. Фосфат кислота одатда рибоза ва дезоксирибоза молекуласининг С-3’ ва С-5’ углерод атомлари билан этерификация реакциясига киришади. Нуклеотидларни бир тарафдан нуклеозидларнинг фосфатли эфирлари деб кўриш мумкин. Иккинчи тарафдан фосфат кислота гурухи бўлганлиги учун, уларни кислота сифатида ҳам кўриш мумкин:


Нуклеотидларни номлашда уларни бир тарафдан кислота деб номлаш мумкин, масалан 5-уридил кислота, 3-аденил кислота. Бошқа тарафдан уларни нуклеозид сифатидаги номига фосфат гурухи боғланган С атоми номери қўшиб айтилади,масалан аденозин-3’-фосфат,уридин-5’-фосфат ва б.

Агар нуклеозиднинг пентоза қолдиғида бир вақтнинг ўзида иккита гидроксил гурухи фосфат кислота билан этерификацияланса, циклофосфатлар ҳосил бўлади.
Деярли барча хужайраларда учрайдиган аденозин-3’, 5’-циклофосфат ва гуанозин-3’, 5’-циклофосфатлар хужайраларда гормонлар билан бошқариладиган жараёнларда иштирок этади. Нуклеотидлар кимёвий жиҳатдан мураккаб эфирлар бўлганлиги учун, улар ҳам кислотали ва ҳам ишқорий мухитда гидролизланади.