Самиғов н. А. Бино

2.18-расм. Гофман ҳалқали хумдони.

1 – хумдон канали; 2 – хом ғиштни тахлаш жойи; 3 – конусли мўрконларни созлаш; 4 – ѐнилғи солинадиган тешиклар; 5 – газларни чиқариш канали; 6 – хумдонга хом ғиштни юклаш ва пишиқ ғиштни чиқариш жойи.
Туннелли хумдонларда (узунлиги 100 м гача) буюм вагонеткаларда ҳаракатланади (2.19-расм). Бу усулда буюмлар ҳаракатланади, пишириш операциялари қўзғалмас бўлади. Буюмлар юклаш, қиздириш, пишириш, совитиш ва хумдондан чиқариб олиш операциялари натижасида пишириб олинади. Пишириш жараѐни 18-38 соат давом этади. Бу хумдондаги операцияларни механизациялаштириш ва автоматлаштириш мумкин. Туннел хумдонларда меҳнат унумдорлиги юқори бўлиб, брак маҳсулот кам бўлади.
Туннелли хумдонларда сирланган плиткалар, санитария-техника буюмлари, канализация қувурлари икки марта пиширилади. Биринчи марта пиширишда махсус конселларда жойлаштирилган плиткалар 1240-1250⁰С ҳароратда пиширилади. Пиширилган плиткалар навларга ажратилади, сирланади, капселларга жойлаштирилади ва иккинчи марта 1140⁰С ҳароратда пиширилади. Канализация қувурлари, қоплама ғиштлар ва фасадбоп плиткалар қуритилгандан кейин сирланади ва бир марта пиширилади.
Керамик буюмлар пиширилиш даражаси, шакли, ўлчамлари, ташқи кўриниши, турли нуқсонларга нисбатан навларга ажратилади. Пиширилиш даражаси бўйича улар нормал, чала ва ўта пишган буюмларга бўлинади. Керамик буюмлар қурилиш объектларига юборилгунча омборхоналарда сақланади. Ғишт ва керамик тошлар металл тагликларга терилган холда очиқ
майдонларда, санитария-техника буюмлари комплектланган ҳолда махсус яшикларда берк омборларда сақланади.

2.19-расм. Тоннелли хумдон. Бўйлама қирқим.

4. Таъмирлаш деворбоп керамик буюмлари

Деворбоп керамикага керамик ғишт, квадрат юзали ―Осиѐ‖ ғишти, эффектив керамик материаллар (ковакли, ғовакли ва ковакли-ғовакли ғиштлар, енгил, ковакли керамик тошлар, блоклар ва плиткалар) ҳамда йирик ўлчамли блоклар киради.