Педагогика фанининг предмети, мақсад ва вазифалари

Ўзбекистон Республикасида таълим соҳасидаги ислоҳотлар.
Мустақиллик йилларида Ўзбекистон Республикасида узлуксиз таълими тизимини такомиллаштириш устувор йўналиш сифатида эътироф этилди. Республиканинг ―Таълим тўғрисида‖ги Қонунида узлуксиз таълим 116 тизимининг моҳияти, йўналишлари, таълим мазмуни, таълимнинг ҳуқуқий асослари батафсил очиб берилган. Таълим ЎзР ижтимоий тараққиѐтида устувор соҳа деб эътироф қилинди. Таълим соҳасидаги давлат сиѐсатининг асосий тамойиллари фуқароларнинг ижтимоий келиб чиқиши, ирқи, тили, эътиқоди, ижтимоий мавқеидан қатъий назар таълим олишда тенг ҳуқуққа эга эканликларини ифодалайди.Таълим-тарбия соҳасида амалга оширилган ислоҳотлар юртимиздаги туб ўзгаришлар, янгиланишларнинг асоси бўлиб ҳизмат қилди. Зеро, ҳар бир юртнинг бугуни ва келажаги, том маънода, таълим тизимининг қай даражада ривожлангани, баркамол авлодни тарбиялаш учун яратилган шарт-шароитлар, ислоҳотларнинг натижалари билан белгиланади. Мустақиллик йилларида мамлакатимизда ҳар йили ялпи ички маҳсулотнинг 10-12 фоизи таълимга ѐки давлат бюджетининг 60 фоизи ижтимоий соҳага йўналтирилиши белгиланди. Ушбу маблағнинг 35 фоизи фақат таълим тизимига сарфланиб, ѐшларнинг пухта таълим-тарбия олиши учун йўналтирилди. Узлуксиз таълим тизимининг ҳуқуқий асосларини мустаҳкамлашда Ўзбекистон Республикаси Президентининг фармон ва қарорлари, Вазирлар Маҳкамаси томонидан қабул қилинган ҳуқуқий-меъѐрий ҳужжатлар муҳим аҳамият касб этди.
Ўзбекистон Республикасининг “Таълим тўғрисида”ги Қонуни(2020).
Ўзбекистон Республикасининг ―Таълим тўғрисида‖ги қонун фуқароларга таълим, тарбия бериш, касб-ҳунар ўргатишнинг ҳуқуқий асосларини белгилайди ҳамда ҳар кимнинг билим олишдан иборат конститутсиявий ҳуқуқини таъминлашга қаратилган бўлиб, 1997 йилнинг 29 августида қабул қилинган.
―Таълим тўғрисида‖ги қонун билан таълим Ўзбекистон Республикаси ижтимоий тараққиѐти соҳасида устувор деб эълон қилинди ҳамда таълим соҳасидаги давлат сиѐсатининг асосий принсиплари белгиланди.
Ўзбекистон Республикасининг таълим тизими ягона ва узлуксиздир. Узлуксиз таълим қуйидаги таълим турларини ўз ичига олади: - мактабгача таълим; - умумий ўрта таълим; - ўрта махсус, касб-ҳунар таълими; - олий таълим; - олий ўқув юртидан кейинги таълим; - кадрлар малакасини ошириш ва уларни қайта тайѐрлаш; - мактабдан ташқари таълим.