1-БЎлим. Бахтли ҳаёт асослари бахтнинг баҳоси қанча?

КУЁВ ТАНЛАШ 
Ота-она куѐв танлашда ўта ҳушѐр бўлишлари талаб этилади. Мозийда аждодларимиз бадхулқ, 
чеҳраси хунук, имони заиф, дин-диѐнатсиз, қиз ҳақини адо этолмайдиган, насл-насаби нопок 
куѐвларга дуч келмаслик учун йигит билан кўришиб, яхшилаб синашган. 
Афсуски, бугунги кунда кўп замондошларимиз куѐв танлаш борасида охиратни ўйламай иш 
қилишмоқда. Бундай одамлар куѐвнинг ўзидан кўра ота-онаси мансабига, бойлигига учиб, қизлари 
бахтига зомин бўлишмоқда. 
Демак, куѐв танлашда отага катта масъулият юкланади. Чунончи, бўлғуси куѐв ҳақида 
эринмасдан суриштирилса, турли услубларни қўллаб синаб кўрилса, қизнинг отаси (ѐки акаси, 
амакиси, тоғаси) қайта-қайта суҳбатлашса, фойдадан холи бўлмайди. Қолаверса, оталар бўлғуси 
куѐвнинг тўлиқ тиббий кўрикдан ўтишини ҳам назорат қилишса, нур устига нур бўларди
22
. 
ЯҚИН ҚАРИНДОШГА УЙЛАНИШ МУМКИНМИ? 
Амма, амаки, хола, тоғалар маҳрам, бироқ уларнинг фарзандлари номаҳрам ҳисобланади. 
Демак, амакивачча, холаваччалар ўзаро никоҳланишлари шаръан жоиздир. Аммо бегоналарга 
қараганда қариндошларга уйланишнинг хавфли, ноқулай томонлари бор. Маълумки, фарзанд соғлом 
туғилишида эр-хотиннинг бир-бирига муҳаббати, кучли жинсий истаги катта аҳамиятга эга. Баъзан 
шундай бўлади, амакиваччалар бир ҳовлида вояга етишади, бир-бирини жуда яқин ҳис қилишади. 
Бинобарин, уларда бир-бирига нисбатан жинсий хоҳиш умуман бўлмаслиги мумкин. Шунингдек, 
қариндошлар орасида эмикдошлик кўп учрайди. Мана шу икки жиҳат фарзандлар ногирон 
туғилишига олиб келади. 
Замонавий илм-фан боланинг нуқсонли, майиб-мажруҳ туғилишига асосий сабаб қилиб яқин 
қариндошларга никоҳланишни кўрсатмоқда. Қон ўхшашлиги туфайли пайдо бўлган келишмовчилик 
қариндошлар орасида кўпроқ учрагани сабаб дўхтирлар шундай хулосага келишган. Шунингдек, тиб 
илми эътироф этишича, келинчак қанчалик нотаниш, сирли туюлса, куѐвдаги эҳтирос шунча жўшқин 
бўлар экан. Шунинг учун болаликдан “сингил” деб уқтириб келинган қизга уйлантиришдан олдин 
йигитнинг хоҳиш-истаги билан ҳам ҳисоблашиш зарур
23
.