Buyrug‘i maktabgacha ta’limga qo‘yiladigan davlat talablarini tasdiqlash haqida

2-§. Mayda motorikani rivojlantirish
81. Quyidagilar 6 — 12 oylik bolalarda mayda motorika rivojlanishining talablari
hisoblanadi:
bolaning qo‘llari va barmoqlarining harakatlanishini nazorat qilishga qodir bo‘lishi;
bolaning umumiy foydalanishdagi o‘yinchoqlar va buyumlardan foydalanish
qobiliyatiga ega bo‘lishi.
82. Quyidagilar 6 — 12 oylik bolalarda mayda motorika rivojlanishining indikatorlari
hisoblanadi:
qutini ochish va undan buyumlarni chiqarib olish;

---

qo‘llari bilan chapak chalish;
bir qo‘li bilan mayda buyumlarni olish;
piyolani ikki qo‘li bilan ushlab turish va undan mustaqil ichish;
kitobni varaqlash (odatda birdaniga 2-3 varaqni);
ikki qo‘li bilan koptokni ushlab olish, qo‘llarida saqlab turish, irg‘itish va dumalatish;
bir qo‘li bilan o‘yinchoqni ushlab, ikkinchi qo‘li bilan uni o‘ynash;
katta va ko‘rsatkich barmoqlaridan foydalanib, mayda buyumlarni qutichaga solish va
stol ustidan mayda narsalarni yig‘ish;
ruchka yoki markerni ushlab, chizishga urinish.
83. 6 — 12 oylik bolalar bilan quyidagi mashqlarni o‘tkazish lozim:
bolaning harakatlarini yanada rivojlantirish uchun qutichaga turli buyumlarni solib
qo‘yish;
bolani xavfsiz buyumlar bilan ta’minlash va oddiy harakatlarni bajarish;
bolaga plastmassadan yasalgan piyola berish va undan suvni qanday ichish kerakligini
tushuntirish;
bolaning yoniga o‘tirish va bola kitobni qanday qilib varaqlashi kerakligini unga
ko‘rsatish va bolaning ushbu mashg‘ulotni mustaqil bajarishini rag‘batlantirish;
koptoklar bilan o‘yinli mashqlarni bajarish;
bolaning buyumlar bilan harakatlar bajarishini maqtash va ko‘rsatish orqali
rag‘batlantirish;
bolaning o‘zlashtirib olayotgan buyumlar doirasini kengaytirish;
bolani mayda buyumlar qo‘yilgan stol atrofiga o‘tqizish va ularni barmoqlari bilan
ushlashini rag‘batlantirish;
bolaga (uning yoshi uchun mos keladigan) ruchka yoki markerni tutqazish va bolaning
ularni barcha barmoqlari bilan ushlashini va bir necha harakat qilib, varaqqa chizishini
rag‘batlantirish.
84. 6 — 12 oylik bolalarda tish chiqishi boshlanishi sababli, bola barmoqlarini og‘ziga
solishi mumkin, shuning uchun gigiyenik muolajalar o‘tkazish, ya’ni barmoqlar, og‘iz
bo‘shlig‘iga ishlov berish lozim.